西瓜減肥法 腰圍勁減14cm！日本女星實試 唔使節食都瘦到｜食是食非

西瓜減肥法
藝人真人測試

兩位藝人嘉賓Hana同Shoko出道5年，由原本嘅53kg同52kg，增重了63kg同67kg！

2人話年輕時就算暴飲暴食，第二朝體重都會自行回落，但近年新陳代謝減慢，而暴飲暴食嘅習慣依舊持續，所以體型維持唔到。

節目於是推薦咗「西瓜減肥法」畀佢地！西瓜含有提升新陳代謝嘅效果，可以有效瘦身。西瓜含有大量Super Amino同瓜氨酸嘅成份，能夠令血液運行狀況更好，使新陳代謝活躍起來。

西瓜+黃豆粉
就減到肥？

呢個餐單好簡單，就係喺西瓜上灑上黃豆粉一齊食！比用鹽送西瓜更加有提升新陳代謝效果！

因為西瓜嘅瓜氨酸，一遇到黃豆粉中嘅精氨酸，就會產生一酸化窒素。

一酸化窒素可有效使血管膨漲，令血液流動嘅狀態更佳，從而提升新陳代謝。咁一日要食幾多先夠？每日食400g西瓜+30g黃豆粉就夠。

西瓜減肥法
食用時的2大重點

第1個食用重點係，喺晚飯前食！

夜晚食可以促進成長荷爾蒙嘅分泌，喺睡眠時呢種荷爾蒙分泌得越多，就更有燃燒脂肪嘅效果！

喺代謝狀態良好嘅時候睡覺，成長荷爾蒙嘅效果就更好！

第2個重點係，唔好只食紅肉部分！其實白色部分所含嘅瓜氨酸係紅肉部分嘅2倍！

每日食點都厭啦，呢個時候就可以稍作餐單調整！

可將黃豆粉同味噌拌勻，然後將西瓜嘅白色肉切成幼條，再點黃豆粉味噌醬嚟食。

3個星期後測試結果，Hana一共減咗5.9kg，腹部減走咗14cm！

而Shoko則減咗5.7kg，腹部減走咗10cm！僅僅3星期，2人都減咗起碼5kg，睇嚟都幾有功效喎！