享慢煮泰 西環泰式Fushion菜 必試冬蔭龍蝦湯口味流心牛角包＋泰式Tea Set｜區區搵食
廣告
港島區多藝文青Cafe就係人都知啦！但西環有間西餐廳，唔單止有港女打卡下午茶set，仲有香港獨有流心牛角包！咁大件事點解無人講？咁就由記者推介畀你啦！
撰文：Sumi｜圖片來源：新假期資料室、官方圖片
西環泰式Fushion菜 必試冬蔭龍蝦湯口味流心牛角包！
位於西環堅尼地城嘅享慢煮泰Lemon Grass By Fast Gourmet，位置鄰近堅尼地城站C出口，步行約3分鐘即可到達。餐廳內部裝潢走簡約優雅路線，吊燈配上精品擺設，用餐環境非常舒適。這裡必試之選是泰法fusion流⼼⽜角包！係全港首創菜式，第二度食唔到㗎！牛角包有2種流心口味，分別是法式龍蝦湯及冬蔭龍蝦湯口味。望落平平無奇的牛角包，其實內有乾坤！切開酥脆牛角包後，濃郁嘅湯底馬上流出碟面，未食見到流心已經好興奮喇！配埋芝士粉，真係好邪惡呀！
記者點嘅法式龍蝦湯流心牛角包Dinner set，一上碟已經聞到陣陣龍蝦香味，食落就好似飲緊龍蝦湯咁！配埋烤焗後嘅酥脆外皮牛角包，口感非常夾！咁新鮮嘅食法都真係第一次試！
另外，餐廳亦推出多款誠意之作。記者推介新出的泰式下午茶Tea set，絕對係港女打卡之選！三層高嘅Tea set，頂層有海鮮，中間是熟食，而最底層則是甜品區。包括有燒生蠔、燒帶子、芒果蟹肉牛油果多士、黑松露野菌脆春卷、官燕椰汁燉蛋白及芒果糯米飯等等！真係唔好錯過啊！
- 餐廳：Lemon Grass By Fast Gourmet 享慢煮泰
- 地點︰西環堅尼地城卑路乍街150號加多近山地下A號舖（顯示地圖）
- 電話：21239018
- 營業時間︰星期一至日 11:30 – 21:30
- Facebook專頁：Lemon Grass Fast Gourmet
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
