西營盤驚喜高質Fusion西餐廳！必食荷蘭三層肉、蟹肉蟹膏泡飯、牛角包窩夫
西營盤出名美食多，當中有不少臥虎藏龍的餐廳，絕對是搵食之選！今次編輯就推薦新開的西餐廳A.O M，坐落於西營盤地鐵站附近，位置方便易去，雖然座位不多但勝在環境舒適自在，而且更設戶外位置，夜晚邊吹涼風邊享用晚餐，夠chill！
餐廳主打日式fusion菜，菜式獨特創新，當中必試餐廳招牌菜式松葉蟹肉蟹膏木魚湯泡飯，將蟹膏、蟹肉攪拌，再淋上靈魂木魚高湯，將味道提升至另一層次，湯頭鮮甜清爽，而且啖啖都有蟹膏，好滋味！另一道必食菜式為原條蒲燒日本魷魚，以獨家醬汁每日新鮮醃製，大件份量足，烹燒後的魷魚味道鮮甜，咬下去Q彈嫩口，加上香口的炸蒜片，配飯一流。
荷蘭香煎三層肉同樣是必點主食之一，伊比利亞豬三層肉煎至表面呈黃金色，邊緣微焦酥香，咬下去油脂飽滿，肉質多汁鮮嫩，大推！若是愛吃海鮮的朋友，則推介這款油封蒜頭欖油蝦，將鳳尾蝦加入由蒜頭、墨西哥辣椒調製出香辣橄欖油烹煮，聞落蒜香味濃郁，鳳尾蝦肉質爽口彈牙帶微辣，搭配香烤酥脆的法式麵包食，香口惹味！
意粉方面推介濃厚蝦醬意大利粉以及卡邦尼意粉，前者以秘製港式蝦醬配上西式意粉，碰撞出驚喜的味道，每條意粉都掛滿濃郁蝦膏醬汁，加上脆口櫻花蝦以及彈牙爽口的鳳尾蝦，鮮味十足；後者採用意大利空運豬面頰肉搭配意大利羊奶芝士，肉質爽彈帶微鹹，意粉味道濃郁帶有蛋香及獨特羊奶羶香，醬汁creamy但不會過膩，食落口感豐富。
食完主菜後，最後當然要以招牌甜品焦糖脆餅果仁窩夫作結，熱辣辣的窩夫搭配冰凍的雪糕，一冷一熱，冰火交融口感大滿足，再加上𝗟𝗼𝘁𝘂𝘀 焦糖脆餅，超豐富！而且擺盤夠精美，打卡一流！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：官方圖片
