衝出香港！英、日雞蛋仔雪糕大檢閱

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Feb 2 2016

近排雞蛋仔的食法越來越新穎，除咗有好多唔同口味之外，仲有配埋雪糕一起食。原來唔只香港人鍾意食雞蛋仔，其他國家的人都覺得好好味，韓國、日本、美國、英國都仿效推出雞蛋仔夾雪糕。好味到打入國際街頭小食市場，雞蛋仔，你終於得咗喇！大家對香港雞蛋仔夠晒熟悉啦，今次同大家介紹番外國雞蛋仔！

位於曼徹斯特的茶記主打港式小食，推出雞蛋仔夾雪糕之後深得顧客歡迎！即整的雞蛋仔包到雪糕實一實，同平時香港食到的好相似，零舍有親切感。雪糕除咗朱古力、雲呢嗱味，仲有抹茶味！另外仲有格仔餅同港式奶茶添呀！

地址: 曼徹斯特 72 Portland Street (顯示地圖)
電話: +4401612360911

營業時間: 星期二至日11am-8pm

另一間英國代表位於倫敦，原本主打台式珍珠奶茶，推出了雞蛋仔夾雪糕成為店中兩大主打。這間的雞蛋仔雪糕同上一間有少少唔同。會在雪糕上加好多唔同的topping，有士多啤梨、紅苺，又有M&M同Orea等等，色彩繽紛睇見都想食！

地址:Nosteagia 168 – 175 Shoreditch High Street, London E1 6HU(顯示地圖)
電話: 075-641-17339

Kalanchoe的雞蛋仔拼雪糕不是雪糕夾在雞蛋仔中央，而是雞蛋仔鋪底，將雪糕放上面。好似食窩夫拼雪糕一樣。

地址: 鳥取県米子市茶町 27 石川ビル 1F (顯示地圖)
電話: 080-5623-7788

最後又點少得香港代表呢！呢個雞蛋仔雪糕有黑芝麻麻糬雞蛋仔味，即叫即製，香口惹味，配上蘋果柚子果凍、檸檬脆脆、牛奶和抹茶雪糕，淋上抹茶醬，果香中和滯膩，層次豐富。

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞