街頭小食 特濃有餡 紫薯雞蛋仔 【天水圍】
廣告
紫薯fans注意，紫薯紫薯fans注意！記者喺天水圍的一個親民商場發現 紫薯雞蛋仔 ！首先，佢哋嘅雞蛋仔皮係用紫薯汁(當然啦！)，第二，每一粒雞蛋仔之中都會有一粒番薯粒！口感比一般雞蛋仔實在，啖啖有薯味！見佢咁有特色，記者就立即去試食一下啦！
天水圍兒時回憶街坊小店
記者起初發現 紫薯雞蛋仔 時感到相當驚奇，因為今次小店的所在地是記者所住的天水圍，店名叫「津津有味」，是一間有差不多十年歷史的小店，主要賣冷麵，砵仔糕等小食，主要做的是街坊及學生生意，記者收到紫薯雞蛋仔 消息，當然要立即去試啦！
即叫即整 紫薯雞蛋仔
去到「津津有味」，記者就立即同店主樂仔打招呼，求教 紫薯雞蛋仔 的特點，原來它比一般造法，多了一個重要步驟，就是加入餡料，紫薯粒！這個方法令雞蛋仔的薯味更加真實，又可以加強口感，但記者當日試食時，店內的紫薯粒已經用完所以就轉了番薯粒。記者試味時覺得紫薯味未算濃，但多咬多口之後，味道就開始湧現，相當不俗。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
