新年3間蝴蝶酥大比拼！小店推介：Valérie＋望月＋Tony Wong Sweet Boutique

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Feb 9 2024

蝴蝶酥｜新年送禮又點少得蝴蝶酥禮盒呢？坊間愈來愈多小店、酒店以及連鎖店推出蝴蝶酥禮盒，不論是自用或是送禮都好得體！今次新假期編輯部在云云蝴蝶酥中，挑選了3間人氣店舖出品的蝴蝶酥，分別為售賣超過10萬盒蝴蝶酥的「Valérie」、本地烘焙品牌「望月」、由烘焙大師加持的「Sweet Boutique de Tony Wong」。比拼一下哪間蝴蝶酥最好食，即睇3間蝴蝶酥比拼啦！

蝴蝶酥｜新年3間蝴蝶酥大比拼！望月＋Valérie＋Sweet Boutique de Tony Wong

蝴蝶酥除了賣相可愛，仿似一隻小蝴蝶之外，亦是不少港人過時過節送禮的好選擇。全城有不少店舖近年都紛紛推出蝴蝶酥，究竟在眾多蝴蝶酥小店當中，邊間可以突圍而出呢？今次新假期編輯部一於找來3間本地小店出品的蝴蝶酥，實測哪一間的原味蝴蝶酥最為出色而且最抵食啦！

蝴蝶酥蝴蝶酥｜記者實測3間人氣小店蝴蝶酥，睇吓邊間最好食啦～ — 蝴蝶酥｜記者實測3間人氣小店蝴蝶酥，睇吓邊間最好食啦～（圖片來源：新假期編輯部）

蝴蝶酥望月蝴蝶酥左），Valérie蝴蝶酥中），Sweet Boutique de Tony Wong右） — 望月蝴蝶酥（左），Valérie蝴蝶酥（中），Sweet Boutique de Tony Wong（右）（圖片來源：新假期編輯部）

蝴蝶酥｜1.本地烘焙品牌「望月」

望月Patisserie La Lune由2012年創立，除了中秋節期間的月餅深受港人歡迎，店舖亦有推出各款禮盒。其中今年推出Pokémon特別版蝴蝶酥禮盒（$198/24件），可愛比卡超套裝包有卡通紙袋、鐵盒和利是封，帶著可愛的Pikachu去拜年還是送禮，都一定人見人愛。

蝴蝶酥 Pokémon蝴蝶酥特別版禮盒$198/24件），以卡哇伊比卡超作為包裝設計，送禮一流！ — Pokémon蝴蝶酥特別版禮盒（$198/24件），以卡哇伊比卡超作為包裝設計，送禮一流！（圖片來源：新假期編輯部）

蝴蝶酥每份蝴蝶酥都設有獨立包裝，不怕食到好狼狽。 — 每份蝴蝶酥都設有獨立包裝，不怕食到好狼狽。（圖片來源：新假期編輯部）

食評：蝴蝶酥外邊帶有金黃焦糖色，不過中間部份偏白，驟眼一看覺得蝴蝶酥烤焗得不均勻。口感味道方面，入口實淨偏硬，似曲奇口感，食不出酥皮層層交疊的層次。同時食落乾身，而且嚐不出牛油香氣，整體普通，味道不是特別深刻。

評分：6/10

望月新年禮盒

店名：望月
訂購：按此

蝴蝶酥｜2.Valérie 每塊蝴蝶酥達384層酥皮

老闆Tracy曾在多間米芝蓮餐廳工作，如二星置地文華東方酒店AMBER，於業界打滾超過10年，最擅長做意法甜品。Tracy由2014年開創Valérie Pastry，從個人網店，至今在新蒲崗設有工場及團隊。期間讓她成名的是蝴蝶酥，嚴選優質的牛油，調校到酥皮濃郁芳香，脆而不鬆散。而Valérie的招牌蝴蝶酥禮盒（$168）之所以讓人番下深刻印象，除了性價比高，其出品的每塊蝴蝶酥摺疊都約有384層，出品造功十分細膩！

蝴蝶酥招牌蝴蝶酥禮盒$168）店子的蝴蝶酥主打「咔嚓」口感，選用了紐西蘭頂級牛油和無漂小麵粉製作酥皮，單單一塊已經有過300層摺層，好厲害！ — 招牌蝴蝶酥禮盒（$168）店子的蝴蝶酥主打「咔嚓」口感，選用了紐西蘭頂級牛油和無漂小麵粉製作酥皮，單單一塊已經有過300層摺層，好厲害！（圖片來源：新假期編輯部）

食評：Valérie的蝴蝶酥一拿上手已經感受到其酥皮的鬆化感，層層摺疊交替的酥皮層次好豐富，而且外層包裹一層白砂糖，顏色均勻，呈淡淡金黃色。食落口更加食得出小店在酥皮上落足心機，酥皮酥脆鬆化，而且帶有牛油香氣，甜度適中，整體好高質，成功俘虜到新假期的一班編輯！

評分：9/10

Valérie詳情

店名：Valérie
地址：尖沙咀加連威老道43號地下（尖沙咀門市）
訂購：按此

蝴蝶酥｜3.Sweet Boutique de Tony Wong 大師級烘焙廚小店出品

在香港有傳奇大師之稱的五星級烘焙大師Tony Wong，有超過40年烘焙經驗，曾在多間酒店主理甜品，如文華酒店、帝苑酒店等。同時亦在多個烘焙大賽獲獎，在甜品界表現出色。當中Tony Wong旗下的餅店之一「Sweet Boutique de Tony Wong」於2014年創立，主打蝴蝶酥並將其招牌甜品加入各款禮盒之中。