蘇媽蘇媽尖沙咀開分店 任食肉骨茶+必食椰香咖央多士＋砂窩老鼠粉｜區區搵食
廣告
蘇媽蘇媽主打馬來西亞菜式，是不少食客心目中價廉物美首選，由桂林街路邊檔到後來於深水埗基隆街開店，客人一直絡繹不絕！如今更踩入尖沙咀開舖，必試厚料咖央多士、砂窩老鼠粉和任添肉骨茶，喜歡東南亞風味的朋友不要錯過！
撰文：Rice｜圖片來源：新假期編輯部、蘇媽﹒蘇媽
蘇媽蘇媽踩入尖沙咀開舖！
「蘇媽 ﹒蘇媽」其實是馬拉文「甚麼都有」的意思。桂林街路邊檔最初只得椰漿飯同幾款麵食，一直都很受歡迎，後來決定投資百萬在基隆街開店，加入更多特色食物，做到店如其名，甚麼都有。路邊檔入舖，愈做愈旺，於深水埗、荃灣、旺角、銅鑼灣都有分店。如今更踩入尖沙咀飲食重鎮科開舖，一定吸引大量食客幫襯 ！
必吃招牌菜：肉骨茶任飲＋砂窩老鼠粉
說要食物，其招牌菜「辣死你嗎」椰漿飯和老鼠粉賣相精緻，前者可配咖喱牛或雞，每款有齊青瓜、江魚仔、花生等6款配料；後者就用砂煲上，加了流心蛋、蝦米、辣椒、葱花，配料更多，更加滋味。
「辣死你嗎」是馬拉話椰漿飯的諧音，青綠的椰漿飯加了斑蘭及椰漿去煮，味道清香，6款配菜包括乾魚仔、花生、參巴醬、咖喱雞等。（圖片來源：新假期編輯部）
老鼠粉即是銀針粉，用砂煲上，很有份量，加了兩款特調豉油，食落惹味，還有 豬油渣的油香。（圖片來源：新假期編輯部）
多士烘得脆，咖央落得重手，愛椰香的一定覺得非常好味，尤其配上濃厚的拉茶，仿如置身馬拉茶檔。（圖片來源：新假期編輯部）
每枱必點 任飲肉骨茶！
當然不得不提這裡的肉骨茶，枱枱必點，客人更可以免費無限加湯飲！這裡賣的肉骨茶，跟星馬吃到的最大分別，是共有8款選擇，豐儉由人，豬骨豬肉每日由街市新鮮買來：一字骨最傳統；不想吮骨可以選三層肉、豬腳彎或豬肚；食肉獸必食大大件豬骨；咩都想試就食大雜錦，還會加入響鈴、金菇等，食法只此一 家。
有齊多款配料（除了皇帝骨）的大肉骨茶，肉很多，還加了豆卜、金菇及響鈴，一鍋滿滿的，湯汁香醇，沒有原裝馬拉肉骨茶的濃重藥材味，反而食到肉香，味道較易為人接受。（圖片來源：新假期編輯部）
網民跪求開呢度！
得知尖沙咀開分店，不少網民也希望能開到其他地區，沙田、大圍、中上環、東九龍都上榜！
- 餐廳：蘇媽.蘇媽 x So Bar 尖沙咀店
- 地址：尖沙咀加連威老道10號加威中心地下（顯示地圖）
- 電話：2362 8020
- 營業時間：星期一至日 11:30am-10pm
- Facebook專頁：semuasemuaHK
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
