【18區掃食】$3X日台菜+鑊氣碟頭飯! 和宜合道平民飯堂

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

May 6 2016

和宜合道熟食市場，可謂係葵涌嘅隱世食堂，唔係地膽都唔會識嚟。呢個熟食市場圓氹氹，有點似新加坡的 Food court，核心嘅內圍是座位，核心嘅外圍是食肆，菜色選擇多樣化，由日本菜、台式料理到大排檔、印度菜，甚至素食同傳統糕點都一應俱全。除了印度菜和素食，其他三十幾蚊已有交易，仲要包飲品。提提大家呢度好多餐廳星期日都唔做晚市，唔好摸門釘！

撰文、攝影:很想很想食玩訓

廿幾蚊個餐配台式飲品

一開始以為呢間店係食日本野，坐低先知原來係日、台、越式乜都有啲。呢度嘅餐包埋一杯台式飲品都只係$26，平得黎唔會hea你底，CP值超高，可謂窮人恩物。而老闆最拿手嘅竟然係傳統糕點豬籠餅，不過就要預定先有得食，2盒起訂。

瀛珍棧美食

地址:葵涌和宜合道24號和宜合道熟食市場C12號舖(顯示地圖)
電話：3113 4949/9630 6881
營業時間：11am-8pm

媽媽的味道溫馨日本家庭料理

溫馨家庭日本料理店，老闆一腳踢，上菜時間會耐少少，所以最好早半個鐘打去落order定先。日韓料理都有，菜色都好有家庭風味，好似食緊日本媽媽煮俾仔女嘅料理咁。老闆不時會同客人傾計，了解下食物質素。晚市時段都幾旺場，坐無虛席。店裡面仲有一隻看門口嘅貓貓。

山本

地址:葵涌和宜合道24號和宜合道熟食市場C11號舖(顯示地圖)
電話:6671 9115
營業時間:星期一至六11am-9pm，星期四至五11am-3pm，星期日休息

大排檔風味有鑊氣碟頭飯

呢間餐廳主打大排檔質素碟頭飯，焗得香，炒得猛。碟碟都風味爆燈，絕不欺場，用料十分足、上菜快，重點是價錢平，$32包飲品，如果小編住呢頭或在附近返工，應該會成日走落黎食!

祥和

地址:葵涌和宜合道24號和宜合道熟食市場C13號舖(顯示地圖)
電話:2264 3823
營業時間:11am-9pm

印度人煮印度菜價錢不平練英語

佔唔到呢度都有咁正宗的印度餐廳，老闆、大廚和店員都唔識講廣東話，所以要用英文溝通～不過又唔洗驚嘅，餐牌係中英對照，你淨係識up英文數字就得喇。店內外有四至五張枱，雖然唔多，但都算鬆動，坐得幾舒服，價錢有D貴。

咖哩烤肉和印度餐廳

地址:葵涌和宜合道24號和宜合道熟食市場C9號舖(顯示地圖)
電話:9151 8436
營業時間:11:30am-10pm

台式自助素食紅飯靚湯任裝

呢間店午餐時段推出素食自助餐，一盤盤嘅素食一次過曬冷show曬出嚟，有成十幾款。想食幾多就夾幾多，夾完就成碟放上磅上面秤，磅會自動減走碟嘅重量，素食每100g $14，秤完幾錢之後先再加餸汁，十分均真。揀好餸之後就有紅米飯和兩款是日老火湯任添。老闆一家全都食素，特意仿效台灣素菜店的自助形式，希望能推廣素食，下星期仲會賣埋鮮榨果汁。