70後主理日韓風小食店!! 三重芝士「 大阪燒 」芝香撲鼻+日式炒麵熱狗 |荃灣食乜好|

撰文：Sam | 攝影：Fion

荃灣新小食店!! 主打日韓小食 大阪燒 +串燒+炒麵熱狗

位於荃灣青山公路的小食店，70’s 七十代工房，開業約兩個月，由3位熱愛下廚的70後打理，主力賣日韓小食，店內一共有25款小食，大部分採用日本食材。老闆更不定期研發新品，讓大家不時可以「試新嘢」，保持新鮮感。

三重芝士大阪燒 芝味香濃醬汁減膩感

老闆原本想做日式飯團，但其後發現日本芝士大阪燒大受歡迎，決定自家研製，花上兩個幾月的時間才製出不同的大阪燒。店內有芝士、帆立貝、廣島蠔、野菜炒麵、章魚和蟹柳6款口味。

記者試了芝士大阪燒，大阪燒內裡的芝士非常多，有車打芝士、忌廉芝士和水牛芝士3款芝士，更有拉絲效果，像吃了一大口芝士般，好滋味！而醬汁、沙律醬和內裡生菜絲正好中和芝士的膩感，雖然大阪燒不算超巨型，但將整個吃掉會非常飽肚。

安格斯西冷串厚切牛不過韌

店舖本月新品，採用美國安格斯牛，厚切之餘牛味重，帶少許香草味，肉質腍身不會過韌，配特製醬汁夠惹味，但略嫌有少少過鹹。

炒麵熱狗酸甜入味

老闆指炒麵熱狗是日本的特式小食，當地的中小學生經常當它作為午餐，因發現香港很少食店推出，決定將此引入香港。炒麵酸酸甜甜，十分入味，除了將炒麵加入熱狗，另外加了沙律醬、燒餅汁、海苔粉和木魚絲，令麵包食落不會太乾身，口感亦較豐富。

韓式蜜味芥末炸雞 辣得過癮

外層炸得頗脆口，自製韓式辣醬再加蜜味芥末，十分辣！醬汁帶微甜，而辣味更會徐徐在口腔內滲出，辣得好刺激！

紫心薯餅軟綿香甜

薯餅外層鬆脆，內裡的紫薯很軟綿很香甜。

70’s 七十代工房
地址：荃灣青山公路277-287號運通洋樓地下A2號舖（顯示地圖）
電話：3705 1677
營業時間：星期一至五 11am-12am；星期六、日及公眾假期 11am-2am
備註：只收現金