荃灣食 勻5間店！人氣宵夜滷水+煙燻玉子燒+生滾三鮮麵|掃街王|
撰文：Joan、Jacky、Pinkey、Terry | 攝影：Tommy、Scott、Meck
1.街坊至愛宵夜滷水小店 元朗鬼巴士
元朗鬼巴士 是元朗街坊至愛的宵夜滷水小店，食物出名大份又抵食，老闆陳慶航常在電影中任臨時演員，街坊個個都認得。上月發現，荃灣街頭見到有間鬼巴士，同樣賣生腸、牛柏葉等涼拌滷味，原來是分店！雖然不是由陳慶航親手主理，但所有滷味均由他入貨及於工場處理，確保和元朗店一樣好味。
13款滷味必食生腸 牛柏葉
荃灣店滷味有13款，開業初期可每串散叫，識食的一定點雜錦，可吃盡所有滷味。陳老闆說招牌是生腸和柏葉，生腸洗得乾淨，腸皮煙韌無內臟味；牛柏葉爽脆，配上黑麻油和秘製羅漢果豉油，拌勻後入口帶甜甜果香，滿足！而陳老闆亦說若把滷味和黑麻油雪過夜，第2日再加入羅漢果豉油，會更好吃！
$5滷味 必食生腸
雖然開店已有一個月，但仍然有優惠，可每串散叫，其中生腸是必食！橙腸和脆腸食其香和脆，而洗腸工序中，反腸是3款生腸中最花時間的，食落超爽口，全無內臟味。而且夠凍，好滋味。
大雜錦 食齊13款新鮮滷味
記者私心推介！有齊3款生腸、牛柏葉、紅腸、扎肉，和滷水的牛柏葉、豬頭肉、豬脷、豬耳、豬心、鴨腎、火雞腎共13款滷味，新鮮爽口。每碟都淋上秘製羅漢果豉油和黑麻油，食時記住拌勻醬汁，超好食！另附芥末和甜醬。
小雜錦1人份量剛好
另有1人份小雜錦，一定一定要加陳老闆自己調製的羅漢果豉油，冇落糖，豉油中的甜味全來自磨粉和曬乾後的羅漢果。滷水汁雪凍後質地較稠，不易溢出，外賣會裝在小盒讓客人帶走，好細心。
元朗鬼巴士（荃灣店）
地址：荃灣荃興徑31號地下4A舖（顯示地圖）
電話：從缺
營業時間：星期一至日5pm-12:am
2. 煙燻玉子燒8種口味任你揀！
以前只會在居酒屋才可吃到玉子燒，現時在街邊都可以吃到！荃灣有間「玉子燒專門店」，主要做玉子燒外賣。將煎好的蛋放入盒煙燻，做成 煙燻玉子燒，創意十足！總共有8款口味選擇，除了原味外，更有紫菜明太子、櫻花蝦、芝士黑松露、黑糖和蘋果等等較特別的味道。
日本築地好多玉子燒，不過這個玉子燒有點不同，將蛋分3次煎好，期間加入餡料再捲起，然後將玉子燒入盒，點燃美國的核桃木，客人要耐心等候大概2分鐘，等木味燻入蛋內先食得！
紫菜明太子玉子燒 蛋夠嫩滑有層次
店內的大部分玉子燒有分熱食或冷食，記者推介熱食紫菜明太子，蛋入口暖暖的，嫩滑中吃到蛋的層次，明太子唔辣，夾埋紫菜都算重口味，相信啱大部分香港人的胃口。煙燻味好突出，令味道多添層次，不過雖然揼本用上貴價日本蛋，都會被煙燻蓋過唔少蛋香。食前記得加上日本蘿蔔蓉，再加強味道層次之餘，更易入口。
黑糖玉子燒 入口香甜
凍食的黑糖玉子燒比較特別，將黑糖混入蛋漿，煎好後面頭再加黑糖粉，好像製作Crème brûlée般，將糖燒到溶至脆，入口香甜，帶煙燻香，做飯後甜品一流！
煙燻玉子燒
地址：荃灣鱟地坊80-84號華成樓B座B3舖 （顯示地圖）
電話：從缺
營業時間：星期一至五4:30pm-9:30pm；星期六至日及公眾假期 3:30pm-9:30pm
3.福建海鮮湯底！ 生滾三鮮麵
元朗的福建麵店去年結業，不少粉絲也大歎可惜。最近小店遷至荃灣大河道的「士林食街」重開，招牌仍然是三鮮麵 ，生滾花蛤、蟶子、蚵仔撞上海鮮湯底，鮮甜到震，元朗粉絲們，action！
最初在元朗，老闆是先經營車仔麵店的，因為競爭太大，後來轉營家鄉特色湯麵。印象中的福建麵多是「一鑊熟」，又腍又糊，於是轉用廣東做法，以豬骨和海鮮熬清湯底，配料如牛肉、花蛤全部生滾上，逐碗逐碗煮。生意愈做愈好，舖位由小變大，然而人一多，出品質素就難控制，最後還是決定從簡，搬到荃灣以小舖繼續，「希望客人每次都食到同樣味道」。
三鮮麵 海鮮鮮甜肉質飽滿
主打三鮮麵， 配料花蛤、蟶子、蚵仔都是福建的即日鮮，雖然成本高，清洗又花工夫，不過味道就特別鮮甜，肉質也較飽滿。牛肉和海鮮都是生滾，令湯底鮮上加鮮，可以直接當湯飲，清甜到不得了。
牛三寶麵肉味濃質感韌彈
鮮牛肉取自3至4歲的汕頭農場牛，肉味超濃，搭上坊間罕見的手打牛肉餅，質感韌彈， 油香甚重， 牛丸爆汁。所用福建麵條，口感順滑，感覺就像拉麵，而且份量慷慨，整碗都鋪得滿滿。
牛肉餅味濃多汁
赤肉看似瘦柴，入口卻是油香豐腴，半熟食口感最好。牛肉跟肉餅用肥牛打成，味濃多汁。肉餅更是由當地親戚手打而成，特別爽彈。
原味館
地址：荃灣大河道91-97號天保大廈地下F2號舖（顯示地圖）
電話：9632 1450
營業時間：12:00nn-10:30pm 逢星期一休息
備註：不設加一，只收現金
4. 有驚喜！小山園抹茶刨冰
抹茶熱潮在香港從來沒有冷卻過，好多地區小店都一於跟風，扮抹茶其實只係綠茶的不計其數，但此小店就不計成本，所有抹茶甜品均用上山政小山園抹茶製作，抹茶香濃郁不澀且帶回甘。再者，以相同份量嘅甜品來衡量，一般外間都要$70-$80，而這裡的價錢相對便宜點，正！
抹茶刨冰甘香不苦澀
刨冰配抹茶雪糕，還有紅豆和白玉，雪糕甘香不苦澀，抹茶啫喱帶點抹茶味，質地爽滑，刨冰較粗粒，但有咬口。
抹茶雪糕豆腐花 味道匹配
抹茶雪糕配自家製豆腐花，豆花豆味都算重，但最底的紅豆蓉略嫌偏甜，有點蓋過豆花的味道。雪糕上有抹茶曲奇餅，茶味十分香，更加上少量玄米粒作點綴，令口感層次更豐富。
Ideas Dessert
地址：荃灣荃貴街10A號富麗花園商場A座地下13B及15號舖（顯示地圖）
營業時間：星期一至四 1pm – 12:30am；星期五、六、日及公眾假期 1pm – 1am
查詢：5372 0128
5. 傳統餅店 $4.5芝士撻
近年掀起了芝士撻熱潮，但其實傳統餅店老早就有芝士撻，價錢非常親民，好抵食！這家老字號餅店的芝士忌廉撻一向賣$4，今年加價都只需$4.5一個，平得誇張！
芝士忌廉撻 芝士味不太濃
芝士撻迷你到只得半隻手掌大，但撻上的Cream Cheese份量相對算多，有芝士味，惟不算太濃郁，撻底是朱古力底，建議雪凍後再食會更滋味。想平一點吃芝士撻，抑或想「少食多滋味」的話，這是一個不錯的選擇。
栗子撻栗子Cream綿密濃郁
撻上的栗子Cream同樣夠份量，質地綿密，栗子味濃郁，更會有少量栗子粒，推介給喜歡吃栗子甜品的朋友。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
