荃灣雞煲 ｜秋冬滋補新品登場＠Dining娜
廣告
（Presented by一品雞煲）
女人唔補好易老！之但係食得刺激又想進補點算好？最近呢間喺荃灣無人不識嘅雞煲界一哥又有新搞作，趁住踏入秋冬之季，特意推出滋補雞煲新口味，喺食緊招牌秘製雞煲同時，加入肥美大隻嘅花膠同海參，混入個雞煲汁底一齊食盡精華滋味，竟然有意想不到滿足口感！
雞煲原來仲可以配埋咁矜貴滋補嘅「花膠海參雞煲」，大大隻花膠同海參爽滑又有嚼口，連埋雞汁入口，刺激又過癮！
荃灣雞煲 始祖 新口味層出不窮
花膠海參夠晒補充膠原蛋白就不在話下，對男士／女士們來講，其固本培元、強身健體就一定啱晒啦。呢款「藥膳醉雞鍋」用多種藥用價值材料熬成，加入肉類鍋料食過後，再飲埋鮮甜又滲出淡淡藥膳香味嘅湯底，今個秋冬幾寒都唔怕啦。
由多款藥膳如北芪、黨參、紅棗、杞子等以爐火熬成，直接當湯水飲用亦可，即時暖勻全身！
除咗進補之選，亦有呢款以新鮮豬骨熬足5、6小時嘅豬骨煲，豬骨夠晒軟腍入味，湯底香濃。
識食一定要食牛坑腩，每一件吸盡鍋底精華，而且肥瘦適中，中間夾著爽口筋膜，必試！
新鮮鮑魚用來做冷盤，彈牙又鮮甜。
呢度嘅大大杯檸茶已經係signature飲品，然後要特別推介係新登場嘅野生葡萄籽，功效多多，幫助腸胃消化、提提神最適合不過。
烚時精選
- 所有雞煲用足2斤重鮮雞，加埋由十多種秘製香料嘅醬汁，火候控制得宜，製作成獨當一面雞煲口味。
- 記得必點大大杯凍飲系列，無論係大檸茶還是新推野生葡萄籽定青檸水，同樣夠正！
- 選址極為寬敞近萬呎舖位，設計光猛有格調，盡情吃雞煲同時都唔會沾滿雞煲氣味。
一品雞煲火鍋
地址及電話：荃灣大鴻輝（荃灣）中心地庫2樓（2697 3337）、荃灣眾安街73號地下（2499 3337）、荃灣二陂坊5號地下（2469 3337）
營業時間：5:30pm-3am、6pm-3am、5pm-3am
Facebook：一品雞煲火鍋
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
