台灣芋圓甜品店嚐仙登尖沙咀 手工芋圓配芋泥 必試雙芋系列｜區區搵食
撰文：Joan 圖片：Issac
尖沙咀開店 台灣芋圓甜品店「嚐仙」
一顆顆小芋圓粒，食落Q彈煙韌，愈嚼愈重芋頭味，近年俘虜不少香港人的心。若你是個極度癡迷芋頭控，就要試試這間台灣過江甜 品店，2012在台灣路邊攤起家，開業7年，至今全台已有8間分店。尖沙咀是首間海外分店，主打兩款芋頭甜品，一是Q彈的三色芋圓，二是外貌像雪糕球、香甜軟滑的芋泥，雙重芋頭攻勢，難怪 一開店就迅即滿布人龍！
雙芋即有芋泥和芋圓，芋圓頗有嚼勁，味道天然帶適中芋香，芋泥握成球狀，味道更濃郁，入口綿滑，頗有驚喜。再配以地瓜圓、珍珠、紅豆、碎冰底和黑糖糖水，層次豐富，勾人食慾！
三色芋圓x綿滑芋泥
做甜品所用的三色芋圓，均在台灣店手製，只用芋頭、橙心和普通番薯製作，再加水和樹林薯粉調和蒸煮，每兩天運貨到港，再每日在香港店內即煮，賣不完全倒掉。芋泥則在香港店製，只用三種材料製成：芋頭、糖和水，天然無添加。芋頭去皮切塊，加糖和水煮成芋頭湯，煮好後再以人手壓成芋泥，壓時要逐少加入芋頭湯調整稠度，這就是芋泥香綿軟滑的秘密關鍵。初次食可選雙芋系列，底層鋪滿碎冰，再鋪滿芋泥、芋圓、珍珠和紅豆，食材簡單但豐富，拍照也漂亮。更可自選仙草、豆花、布丁等配料，吃前再倒入奶油，口感更為香甜。
另一人氣甜品之選黃金地瓜泥，以不油不炸的方式炮製，用纖維較少的本地橙心番薯製成，番薯味濃郁，滑身香甜。
嚐仙
地點：尖沙咀金馬倫道19號地下A（顯示地圖）
電話：2119 2600
營業時間：星期一至日 2pm-11pm
官方網頁按此
FB專頁：嚐仙（手工芋泥、芋圓專賣）香港尖沙咀店
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
