芋圓

芋圓全港Top13推介！必試芋圓糖不甩＋仙氣火鍋＋一口炸芋圓｜區區搵食

飲食
新假期

廣告

【芋圓全港Top13推介】講到呢幾年人氣甜品，來自台灣嘅芋圓一定榜上有名！雖然「芋圓細細」，但每粒都軟Q彈牙，芋氣四溢，令所有煙韌控都為佢神魂癲倒，聽到已經流晒口水！今次記者為大家搜羅全港人氣芋圓推介，遍佈港九新界，唔知你又試過幾多間？

*因疫情關係，營業時間或有所變動，詳情請致電餐廳查詢。

芋圓全港Top13推介！

按連結跳至


–

港島區

1) 西環阿元菜市場打卡甜品「芋圓火鍋」

阿元菜市場主打台式火鍋，以為打邊爐得肉類你就錯喇，原來佢地最新推出打卡甜品「芋圓火鍋」，$99 可以兩至三個人share。打邊爐點可以無湯底揀，有黑糖牛奶﹑冬瓜牛奶﹑豆漿﹑椰漿牛奶﹑皇室奶茶等任君選擇。基本配料有三色芋圓﹑仙草﹑豆腐花﹑蜜紅豆及黑糖珍珠，仲有得蘸醬食，有花生糖粉﹑奧利奧碎﹑巧克力醬﹑煉奶﹑及蜂蜜，芋圓控必試！

芋圓 $99 就可以食到兩至三人份嘅芋圓，每人除返開都喺幾十蚊，性價比好高！
$99 就可以食到兩至三人份嘅芋圓，每人除返開都喺幾十蚊，性價比好高！（圖片來源：IG@nhmtheveggies）
芋圓 估唔到食芋圓都可以食到煙霧瀰漫，真喺仙氣十足～
估唔到食芋圓都可以食到煙霧瀰漫，真喺仙氣十足～（圖片來源：IG@nhmtheveggies）
芋圓 雖然叫湯底，但其實都喺凍食，小編最有興趣就喺椰漿牛奶湯底！
雖然叫湯底，但其實都喺凍食，小編最有興趣就喺椰漿牛奶湯底！（圖片來源：IG@nhmtheveggies）
芋圓 記得只限堂食，不過價錢咁抵就算要入西環都值返晒。
記得只限堂食，不過價錢咁抵就算要入西環都值返晒。（圖片來源：IG@nhmtheveggies）

2) 西環想甜嚐甜

店鋪由80後男生主理，甜品賣相精緻，每款都精美到令人唔忍心食落肚！芋圓糖水有3款選擇，包括黑糖芋圓仙草、芒芋及椰芋，最受歡迎一定喺台灣直送黑糖磚製成嘅黑糖芋圓仙草，食個陣可以先試甘甜嘅黑糖原味，再混入忌廉或者花奶，更加滋味！

黑糖芋圓仙草 ，配料豐富，黑糖甘甜不膩，芋圓內有細細芋頭粒，帶陣陣芋香，煙韌有咬口！
黑糖芋圓仙草 $40，配料豐富，黑糖甘甜不膩，芋圓內有細細芋頭粒，帶陣陣芋香，煙韌有咬口！（圖片來源：IG@kakakathyc）
芋圓 外賣
椰芋 $40，港式椰汁西米露配台式芋圓，內有椰果條、海底椰、椰果粒，椰香滿溢。（圖片來源：新假期資料室）
芋圓 芋圖全港Top13推介！｜區區搵食（新假期APP限定）
芋圓每粒形狀有些少唔同，有手造感。（圖片來源：新假期資料室）
芋圓 芋圖全港Top13推介！｜區區搵食（新假期APP限定）
地瓜圓地瓜味香濃，煙韌唔黏牙。（圖片來源：新假期資料室）
  • 餐廳：想甜嚐甜
  • 地址：西環堅尼地城士美菲路15號地下（顯示地圖）
  • 電話：5916 0698
  • 營業時間：星期一至日1pm-12mn
  • Instagram專頁：@sweetddhk

3) 銅鑼灣鮮芋仙

鮮芋仙喺台灣人氣過江龍，2019年進駐銅鑼灣開首間香港分店後，已經成為芋圓界龍頭，愈開愈多分店。店鋪採用天然食材，其中芋頭用芋香突出嘅大甲芋頭，整出嚟嘅芋圓煙韌、大甲芋頭入口軟糯好食。芋圓、鮮草汁和冬瓜茶等配料喺台灣做好後，再急凍運到香港店。芋圓煮好後只可以放一小時，確保出品全部煙韌好咬！

芋圓 熱手工芋圓4號 $45，食碗「熱辣辣」嘅紅豆湯，回味一下台灣嘅味道就最適合不過！除咗有芋圓及番薯圓外，仲有芋頭、珍珠、紅豆，非常豐富！
熱手工芋圓4號 $45，食碗「熱辣辣」嘅紅豆湯，回味一下台灣嘅味道就最適合不過！除咗有芋圓及番薯圓外，仲有芋頭、珍珠、紅豆，非常豐富！（圖片來源：新假期資料室）
芋圓 鮮芋仙
招牌仙草沙冰 $45，仙草芋圓喺好拍檔，簡單一份有芋圓、仙草凍和仙草冰沙，芋圓有嚼勁，仙草草藥味濃郁，非常嫩滑。（圖片來源：新假期資料室）
布丁Q麻糬牛奶冰 份量十足，一碟夠二人食。有雞蛋布丁、杏仁布丁、小芋圓、Q 麻糬、冬瓜凍。布丁震騰騰，質感Q彈，牛奶冰奶味極重。
布丁Q麻糬牛奶冰 $52，一碟份量十足，夠二個人食。有雞蛋布丁、杏仁布丁、小芋圓、Q麻糬、冬瓜凍。布丁震騰騰，質感Q彈，牛奶冰奶味極重。（圖片來源：新假期資料室）

4) 西灣河來來小吃店

講到宵夜天堂，西灣河太安樓美食應有盡有，亦唔少得宵夜必食嘅糖水。來來小吃店位於太安樓，店主喺一位台港店內芋圓刨冰非常出名，刨冰大大份，冰粒夠幼滑，芋圓口感偏紥實，芋頭綿密，size偏大粒。有成20種配料任選，其中比較特別應該喺棉花糖同咖啡點子，其他芋圓店比較少有。

三種冰 + 煉奶 ，配料揀咗芋圓、仙草凍及珍珠，刨冰加上大量黑糖汁，啖啖食落都有黑糖味，一碗大到夠3個人share。
三種冰 $36+ 煉奶 $3 ，配料揀咗芋圓、仙草凍及珍珠，刨冰加上大量黑糖汁，啖啖食落都有黑糖味，一碗大到夠3個人share。（圖片來源：[email protected]）
仙草冰 ，有仙草、粉圓、芋圓同芋頭。仙草質地好滑，粉圓份量勁多！
仙草冰 $32，有仙草、粉圓、芋圓同芋頭。仙草質地好滑，粉圓份量勁多！（圖片來源：IG@hkfoodie_sorriso）
五種冰 +煉奶 ，有芋圓、粉粿、芋頭、布丁同仙草凍，刨冰多到蓋住晒啲配料，布丁仲喺原個上！
五種冰 $43 +煉奶 $3 ，有芋圓、粉粿、芋頭、布丁同仙草凍，刨冰多到蓋住晒啲配料，布丁仲喺原個上！（圖片來源：IG@hkfoodie_sorriso）
芋圓 芋圓甜品價錢由$30至$50不等，中等價錢，唔算特別平，但勝在份量多，夠幾個朋友一齊share！
芋圓甜品價錢由$30至$50不等，中等價錢，唔算特別平，但勝在份量多，夠幾個朋友一齊share！（圖片來源：IG@hkfoodie_sorriso）


–

回到目錄

九龍區

5) 太子芋圓圓

由IG網店發圍嘅人氣甜品店，供應自家製芋圓，店鋪成日都會出現人龍，座無虛席。主打自家製手作芋圓，除咗傳統紫薯、芋頭及番薯味外，仲有期間限定抹茶及芝麻味，配搭傳統糖水例如西米露、喳咋、海底椰等，極受歡迎。

芋圓 芋圓糖不甩 $28，喺招牌甜品，芋圓配自家炒花生椰絲，食落煙韌，芋頭及番薯味道濃郁。
芋圓糖不甩 $28，喺招牌甜品，芋圓配自家炒花生椰絲，食落煙韌，芋頭及番薯味道濃郁。（圖片來源：新假期資料室）
芋圓圓
仙草芋圓 $35，以仙草做底，紅豆、薏米及芋圓做配料，可以按個人喜好加花奶，一次過滿足晒4個願望！（圖片來源：新假期資料室）
  • 餐廳：芋圓圓
  • 地址：太子柏樹街1號地舖（顯示地圖）
  • 電話：5543 0154
  • 營業時間：星期一至日3pm-11pm

6)尖沙咀嚐仙

創辦人2012年喺台灣路邊攤起家，主打兩款芋頭甜品，一款喺Q彈三色芋圓，另一款喺外貌似雪糕球、香甜軟滑嘅芋泥，雙重芋頭攻勢，一開店迅即排滿人龍！初次食推薦雙芋系列，底層鋪滿碎冰，面層有芋泥、芋圓、珍珠和紅豆，食材簡單但豐富，影相打卡一流。更可自選仙草、豆花、布丁等配料，食之前倒入奶油，口感會更加香甜。

芋圓 雙芋仙草奶凍 $45，雙芋有芋泥及芋圓，芋圓QQ彈牙，味道天然帶適中芋香，入口綿滑，幾有驚喜！再配合地瓜圓、珍珠、紅豆、碎冰底及黑糖糖水，層次豐富。
雙芋仙草奶凍 $45，雙芋有芋泥及芋圓，芋圓QQ彈牙，味道天然帶適中芋香，入口綿滑，幾有驚喜！再配合地瓜圓、珍珠、紅豆、碎冰底及黑糖糖水，層次豐富。（圖片來源：新假期資料室）
芋圓 嚐仙
黃金地瓜泥豆花$45，芋泥之外仲有橙黃色嘅地瓜泥， 同樣配以芋圓、珍珠、紅豆及自選配料。糖漿以台灣黑糖乾炒至完全融化，再加水煮成，好花時間工夫，但糖水香氣會更加突出。（圖片來源：新假期資料室）
  • 餐廳：嚐仙
  • 地址：尖沙咀金馬倫道19A 號地舖（顯示地圖）
  • 電話：2119 2600
  • 營業時間：星期一至日2pm-11pm

7) 大角咀芋圓一

台式甜品小店，約二十多個座位，主打街坊生意，自家手作芋圓，每日新鮮製，除咗有香芋、紫薯圓及番薯味外，仲會有平時較少見嘅栗子圓，口味特別。

傳統仙草芋圓
傳統仙草芋圓 $36。（圖片來源：新假期資料室）
  • 餐廳：芋圓一
  • 地址：大角咀角祥街48號地舖（顯示地圖）
  • 電話：3618 9974
  • 營業時間：星期一至日3pm-12mn

8) 深水埗康瑞甜品

從前小編讀書時，幾乎個個同學都識附近呢間康瑞甜品，成日都會組隊去食，店鋪以自家製芋圓、地瓜圓做賣點，據聞每日賣過萬粒。招牌特色仙草百配回甘清甜，絕不過膩。價錢全部都只喺廿幾蚊！

芋圓 仙草百配 ，配料有薏米、珍珠、西米、小丸子、紅豆、涼粉、雙色圓，咁嘅價錢有咁多料，勁豐富！
仙草百配 $26，配料有薏米、珍珠、西米、小丸子、紅豆、涼粉、雙色圓，咁嘅價錢有咁多料，勁豐富！（圖片來源：IG@_foodss_lover_hk）
芋圓 紅豆沙配 ，紅豆沙底配雙色圓同小丸子。
紅豆沙配 $26，紅豆沙底配雙色圓同小丸子。（圖片來源：IG@_foodss_lover_hk）
芋圓 最貴都唔過 ，價錢經濟實惠。
最貴都唔過 $30，價錢經濟實惠。（圖片來源：IG@_foodss_lover_hk）

9) 觀塘芋圓控

芋圓控由一對90後情侶主理，三色芋圓、豆腐花、芋泥球都喺由人手搓自家製，煙韌QQ，且味道濃郁，喜愛吃煙韌芋圓的朋友必去啊！套餐可以DIY自選配料，比起出面芋圓店有更多選擇，包括奶茶凍、芋泥球、雞蛋布丁、桃膠及焙茶圓等配料，糖水底更以4.3牛乳取替冬瓜湯。

芋圓日日手搓。
芋圓日日手搓。（圖片來源：芋圓控）
芋圓 餐牌方面跟舊舖有9成相似。
最平$36就有5款配料，相當抵食！（圖片來源：芋圓控）
三色分立有芋圓、地瓜圓、紫薯圓、寒 天晶球、小芋圓及西米，足料滿瀉有誠意。
三色分立$42，有芋圓、地瓜圓、紫薯圓、寒天晶球、小芋圓及西米，足料滿瀉有誠意。（圖片來源：芋圓控）
招牌自家製芋圓有齊7款配料，芋圓、地瓜圓、紫薯圓、包心芋圓、粉圓、西米及仙草凍，吃完一碗已經捧腹而回。
招牌自家製芋圓$46，有齊7款配料，芋圓、地瓜圓、紫薯圓、包心芋圓、粉圓、西米及仙草凍，食完一碗已經捧腹而回。（圖片來源：芋圓控）
芋圓 芋泥鮮奶過去大受歡迎的芋泥鮮奶也有供應，芋泥啖啖芋香，壓成蓉口感綿滑，配上鮮奶，清甜滿足。
人氣芋泥鮮奶$32，芋泥啖啖芋香，壓成蓉口感綿滑，配上鮮奶，清甜滿足。（圖片來源：芋圓控）
  • 餐廳：芋圓控
  • 地址：觀塘駿業里6號富利工業大廈11樓B室（顯示地圖）
  • 電話：從缺
  • 試業營業時間：星期一至六1pm-8pm、星期日及不定期休息
  • 備註：只收現金
  • Facebook專頁：芋圓控 TAROLOVER.HK


–

回到目錄

新界及離島區

10) 天水圍大甲芋圓

天水圍開業以芋圓作主打，除咗大路嘅3色芋圓、地瓜圓和紫薯圓外，亦有包餡芋圓，招牌大甲芋圓仲配上大甲芋頭雪糕。另外都有豆花、紫米、仙草及其他傳統糖水等選擇。

招牌大甲芋圓
招牌大甲芋圓 $28。（圖片來源：新假期資料室）
  • 餐廳：大甲芋圓
  • 地址：天水圍天瑞路9號天瑞商場地下G2E號舖（顯示地圖）
  • 電話：2511 2818
  • 營業時間：星期一至日2pm-11pm

11) 葵芳民舍甜品

眾人皆知葵廣喺美食天堂，呢間位於3樓嘅民舍甜品專做芋圓外賣，門面採用木系裝修，有種小清新嘅感覺。芋圓足料又大兜，價錢親民，款式都幾多下，總有一款啱你心水，去葵廣掃街又多樣選擇！

芋圓 招牌仙草 $30，芋泥超大粒，夠綿密又濃芋香味～
招牌仙草 $30，芋泥超大粒，夠綿密又濃芋香味～（圖片來源：[email protected]）
芋圓 唔好以為入面兩球喺雪糕嚟，其實喺巨型芋泥球！
唔好以為入面兩球喺雪糕嚟，其實喺巨型芋泥球！（圖片來源：[email protected]）
包餡芋圓大大粒，蕃薯味好重！
包餡芋圓大大粒，蕃薯味好重！（圖片來源：[email protected]）
芋圓 雖然鋪頭細細，但menu都好多唔同芋圓配搭，最貴都唔過 $40。
雖然鋪頭細細，但menu都好多唔同芋圓配搭，最貴都唔過 $40。（圖片來源：[email protected]）

12) 石門豆腐巴克

平時講開石門都會覺得喺美食沙漠，而呢間位於石明京瑞廣場嘅隱世小食店，有炸物、小食、甜品同午市套餐之餘，最特別莫過於佢地主打嘅創意甜品「一口炸芋圓」。平時食芋圓糖水食到厭呢款小食就啱晒你，外脆內煙韌，配埋煉奶勁邪惡，估唔到炸芋圓都可以咁夾！仲要即叫即炸超新鮮，每份質素咁高都只喺 $25，好抵食！

炸芋圓即叫即炸，等5-10分鐘，時間都算快！
炸芋圓即叫即炸，等5-10分鐘，時間都算快！（圖片來源：IG@chikin721）
招牌芋圓1號 ，除咗炸芋圓比較特別，鋪頭都有正常芋圓甜品，豆腐花喺採用加拿大直送有機高級黃豆，無任何添加劑，健康又好味！
招牌芋圓1號 $32，除咗炸芋圓比較特別，鋪頭都有正常芋圓甜品，豆腐花喺採用加拿大直送有機高級黃豆，無任何添加劑，健康又好味！（圖片來源：IG@hkfoodtalk）
  • 餐廳：豆腐巴克
  • 地址：京瑞廣場一期2樓209號舖（顯示地圖）
  • 電話：9516 5158
  • 營業時間：星期一至日11am – 10pm
  • Instagram專頁：＠tofubucks29

13) 長洲冰室

長洲食芒果糯米糍就肯定食過，呢間開業4年嘅人氣甜品鋪你又有無試過呢？唔好以為佢叫冰室就會環境簡陋，店鋪裝修以藍白色做主調，充滿歐陸風情，食住芋圓再順便同朋友打個卡。食物擺盤都唔馬虎，加上材料放得滿滿，賣相一流！

芋圓 泰式奶茶三色圓冰 ，刨冰粒入口比較粗身，泰茶味唔算太甜，味道幾好。
泰式奶茶三色圓冰 $63，刨冰粒入口比較粗身，泰茶味唔算太甜，味道幾好。（圖片來源：IG@eatnaeatna）
多芒三色圓仙草 ，三色圓份量好多，每啖都食到芋圓！
多芒三色圓仙草 $38，三色圓份量好多，每啖都食到芋圓！（圖片來源：IG@eatnaeatna）
芋圓 店鋪已經開咗4年，好多人入長洲都會慕名而來。
店鋪已經開咗4年，好多人入長洲都會慕名而來。（圖片來源：IG@eatnaeatna）

－

回到目錄

撰文：新假期編輯部｜圖片來源：新假期資料室、官方圖片、IG

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
芋圓
圖片來源：新假期資料室、官方圖片、IG

人氣搜尋文章

最Hot飲食情報

廣告
按此打電話