船皇登陸銅鑼灣！泰國過江龍$12碗船麵+日售700碗｜出街搵食
廣告
每一次遊泰國，一定會食船麵，「船皇Tiew Rua Tor Charm」是不少朋友的選擇！味道濃郁而且份量少，總會一碗又一碗吃，好味到停不了！近日，在泰國有近50間分店的著名船麵餐廳船皇來香港開首間分店，主打與泰國同樣的餐單，所有材料、調味料均由泰國直送，價錢和泰國相約，只售$12／碗，各位船麵粉絲不妨到此一試！
撰文：肥龍 攝影：Lai
泰國船皇Tiew Rua Tor Charm 進駐銅鑼灣
泰國船皇Tiew Rua Tor Charm近日首度來港開分店，其船麵一向在泰國非常有名，第一間於1998年開業，現已有近50間分店，最近更衝出泰國開分店，選址人流極高和交通方便的銅鑼灣。風味跟足總店，所有調味料由泰國直送到港，連裝修也與泰國店舖一模一樣，務求完美呈現泰國風味。
老闆赴泰學師三個月！
為了把泰國獨有風味帶到香港，代理人特意前往泰國跟創辦人學師三個月，從熬湯、調醬汁、挑選麵底也一絲不苟，獨有船麵湯底配方和泰式調味料都由泰國總店提供，湯底先煲牛骨三小時，再加入香葉、香料、班蘭葉、枸杞等秘製藥材膽，熬製8小時，令湯底濃郁，更重口味。
$12船麵 每人至少食7至8碗
通常船麵吃法是點細碗的，有湯麵和撈麵選擇，配料方面有三種選擇：豬肉、豬潤和豬肉丸、牛腩和牛丸、雞翼和雞絲，更有四種麵底挑選，蛋麵、金邊粉、河粉和米粉，選取自己喜愛的作配搭，十分多選擇！而價錢和泰國相若，只需$12便可，份量少，能夠一碗接一碗地食，很容易便疊得滿滿。店主說食客通常可以食7至8碗，每次也轉不同配料，變化靈活。
泰式小食 炸豬皮+炸單骨雞翼
除了船麵之外，店家還有十數款泰式小食。為了把正宗原味帶到香港，廚師更到泰國總店學習食物處理工序，如當中的炸豬皮，其工序十分繁複，先洗淨再曬一星期，才達到乾燥效果，用大火油炸，令其口感鬆脆香口，值得一試！
泰式飲品 泰式奶茶+龍眼冰
泰式飲品共來十數款，除了有一般支裝汽水外、更有各樣較道地飲料，如青檸梳打、龍眼冰等，清熱解暑，果味突出。泰式奶茶選用泰國手標紅茶，每日新鮮煲製，茶味濃而不太甜，盛載飲品的碗更特意從泰國進貨，風味十足。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
