【自助餐放蛇起底組】任食2.5小時 $138火鍋+ 蒸汽火鍋 放題
廣告
潮流興食 蒸汽火鍋 ，但要慢慢等先有得食，最唔啱無耐性的人！我就寧願打邊爐，烚幾下就食得，醫肚最緊要快！不過呢間火鍋放題店，一次可以滿足兩個願望，$138可以任食打邊爐+ 蒸汽火鍋 ，仲要兩個半鐘咁耐，喺邊?即刻去片！
一半打邊爐 一半蒸鍋
點樣可以一雞兩味呢?其實只需要一個鍋，鍋的一半用作打邊爐，湯底可以選淸湯、麻辣、沙嗲等6款湯底。另一半的爐蓋上一塊有洞的鐵板做蒸架，而湯底則是清水，可以選擇加入當歸、桂花、玫瑰、紅棗等，把材料放上蒸架，放上蓋，用帶有味道的蒸汽將食物蒸熟，比啲耐性等下，就食得。
火鍋配料有咩食
除了少部份火鍋料，例如肥牛、牛展、草羊片、鯇魚片及自家包製的菜肉水餃等需要落單外，其他一律都可出自助區域任夾。
肥牛、餃子、雞翼必食
偷拍途中，店員失驚無神同我哋講，啲肥牛喺用美國高級霜降肥牛，碟牛望落其實都幾唔錯，鮮紅色，亦有少少雪花紋。蒸的方法更重牛味,比打邊爐烚下烚下更好食~
蒸水餃又唔使擔心佢爛，店員話水餃是他們自家包製，照包北京水餃的方法來包，所以個皮特別薄，係真唔係呀?望落其實都隱約見到入面的饀，食落去都唔錯，有椰菜、韮菜、豬肉，勁多料~不過就鹹咗少少。
蒸雞翼更可以DIY味道，去醬料區自己加啲蒜蓉、辣椒上去，不錯啊~~~
其他熟食+飲品
雖然無海鮮任食要扣分，但一鍋兩用可以 蒸氣火鍋 同打邊爐一齊食，有創意，況且其他配料質素都唔差，refill都快手，所以都推介大家可以去試下!
總分: 7/10
雙囍鍋
地址: 九龍荔枝角青山道688號嘉名工廠大廈地下(顯示地圖)
電話:2393 0888
火鍋放題供應時間:
星期日至四: 6pm-12mn，星期五、六: 6pm-1am
收費:
星期一至四:$138/成人、$88/小童，9pm後 $128/成人
星期五至日:$148/成人、$108/小童，9pm後$138/成人
用餐時間:入座時間起計2小時30分鐘
備註:不設加一，收信用卡
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
