【自助餐放蛇起底組】2人行! $494/位任食膏蟹+BBQ 自助晚餐連住宿package

撰文、攝影：自助餐放蛇起底組

自助晚餐連住宿package:房間寛闊 望樹景

酒店位於汀九，於荃灣有免費Shuttle bus直達，車程約15分鐘。2pm便可以check in，記者第一時間上房望望，原本package包了的房間為山景房間，記者今次另加了$200升級了做海景房間，兩門的房形、大小都一樣，只不過窗外的景觀不同。

需在荃灣乘搭免費Shuttle bus，班次都幾密，車程約15分鐘便到。

房間空間頗大，山景和海景的房間大小是一樣，不過後者需加$200。

山景房間望出去的景觀其實也不錯

房間內有一張雙人床，空間頗闊，亦有電視、衣櫃、雪櫃和夾萬；廁所則較窄，是淋浴間，亦有提供個人護理用品。

個人護理用品亦齊全，有洗頭護髮素和淋浴露，亦有牙刷、剃刀和潤膚乳。

＋$500升級賽車主題房 PS4連車座玩成晚!

另外，酒店亦有少量主題房，記者今次額外加了$500升級做賽車主題的房間，有一張雙人大床和一張卡通賽車單人床，可住3位成人，適合一家大細。整個房間包括牆紙和床具等都佈滿了賽車佈置，最驚喜的是有部PS4，還要連車座、軚盤和腳踏，一整晚任你玩，未玩已經超興奮！

車座連PS4，裡面當然都是賽車遊戲啦。

一張雙人床和一張卡通賽車床，小朋友一定好興奮。

窗外望到汀九橋和一片大海，不過窗上貼了賽車貼紙，要躺在床上才可看得清楚。

廁所都是淋浴間，亦貼滿賽車貼紙。

3小時任食Dinner Buffet 膏蟹+BBQ牛脷

6:30pm可以到2樓餐廳吃Dinner Buffet，可任食3小時，食物放在不同地方，連門口外都有，要四處走走。有海鮮、刺身、BBQ 和粉麵Live Station等，質素不錯。

另一邊的走廊兩邊也放滿了食物，不過人一多便會很擠迫。

幾款海鮮任食，有翡翠螺、長腳蟹、膏蟹、珍珠帶子和大蝦。

海鮮食落新鮮無雪味，膏蟹超多膏，好邪惡，絕對是回本位！

刺身位在門口，好易被遺忘，有幾款刺身包括三文魚、吞拿魚、鮑片和甜蝦。

戶外位有BBQ Live Station，當日有即燒香噴噴牛舌、牛仔骨和飯糰，旁邊更有燉湯，超正！

牛舌超大塊，好腍滑；牛仔骨亦充滿脂香。

雖然沒有生蠔，但熱盤有鰻魚汁燒生蠔，被人夾走亦很快有Refill，都OK。

還有韓式芝士炒雞、燴羊膝、雞煲等熱盤。

甜品有幾十款蛋糕和撻等，亦有自製班戟和朱古力噴泉。

亦有幾款味道的Häagen-Dazs可任食

門外有玻璃樽裝汽水任飲。

酒店內有咩玩？泳池Gym room任用

酒店內的設施可以任用，包活泳池、Gym room、桑拿房和Game zone，酒店附近亦有沙灘。

泳池都幾大，更衣室內有乾、濕桑拿房。

Game zone有兩部Xbox 360和一部PS4可供玩樂，手制和遊戲碟要到前台借用，先到先得，每人可玩45分鐘。

總結：玩完兩日一夜，整體來說都挺舒服，Dinner Buffet味道不錯，膏蟹和BBQ區可以不停encore。而至於房間，二人房間亦夠寛闊，山景和海景的景觀亦夠開揚；而主題房更是超級驚喜，房內有專屬連車座的遊戲機，無得彈！酒店設施泳池、Gym room、桑拿房和Game zone可以任玩，不過可惜的是不包早餐，除開一人約$500-$600，都是一個不錯的選擇。

一句到尾：避世之選！

香港帝景酒店

地址：香港荃灣汀九青山公路353號(顯示地圖)
電話：3716 2888

雙人自助晚餐+住宿計劃供應時間:
即日至10月7日 (不包括15/9-17/9)

收費：星期一至四：$988、星期五至日：$1188
每房每晚另加$200升級至海景客房/$500升級至主題客房

備註1：不收加一，需預訂

備註2：主題客房可入住3位成人/2成人1小童，由於價錢只包雙人自助晚餐，第3位房客需加錢享用
星期一至五：成人:$340、小童:$240
星期六至日：成人:$390、小童:$290