【出街搵食】名廚監製花膠雞火鍋＋自選即切本地肥牛、和牛、手打肉丸！｜大埔火鍋｜
撰文：ning 攝影：Woody
名廚幕後監製 提攜年青廚師
店子老闆是中菜名廚陳國強師傅，不說不知，他曾在大埔街市開烹飪教室，去年還搬入大埔做埋街坊。作為大埔友，他對大埔富有人情味的街坊、社區份外有感情，於是決定為街坊做平民火鍋。
不過今次並不是由他「大廚出馬 」，而是找來分別於東來順、粵來順合作過的三位年輕人：阿成、阿聰和阿翔，將店子交給他們主理及發揮，自己寧願退至幕後，監督出品。
足料花膠雞功夫火鍋
這裡的火鍋湯底主打每日鮮熬的足料功夫鍋，來這裡光顧，一般都會建議先喝湯、吃湯料，再加配料打邊爐。招牌的黃湯鴛鴦花膠雞鍋，用三黃雞、花膠筒、魚肚、螺頭、赤肉等配料熬12小時，香濃滋潤，女生最啱！
三黃雞件會在席前放入湯底內，煮十分鐘就食得，雞肉滑溜有雞油香；湯頭豐腴醇厚，花膠筒軟嫩富膠質，魚肚吸滿湯汁精華。
嘗辣的就要試貴陽酸湯海斑鍋，番茄用醋輕醃，配合新鮮檸檬汁、龍躉件慢熬而成，酸辣醒胃，吃落有點像冬蔭功。
店內火鍋全部用名牌Staub鑄鐵鍋上枱，傳熱超快，湯底數十秒就開始滾起，而且保溫效果一流，架勢！
自選即切肥牛檔！本地手切牛、和牛乜都有
三位年輕大廚想法多多，為了吸引人來大埔吃火鍋，特意在店內加設「肥牛吧」，將當日的靚牛肉放於肉櫃內吊起，供客人自選，即叫即切，由本地手切牛頸脊、安格斯雪花牛到日本和牛，不同的品種、部位都有。
肥牛吧4大推介
1.本地手切牛頸脊
肉紋多，質感比軟結實，帶點嚼勁，牛肉味非常濃郁。
2.安格斯雪花肥牛
用上牛小排的部分，油花多而分明，肉味和油份相對平均，配濃郁湯底最夾。
3.鹿兒島和牛三角腩
屬於和牛的腩位，比和牛肉眼更肥美，近乎入口即溶，油香豐厚，愈嚼愈濃。
4.鹿兒島A4和牛
原件和牛肉眼刨成薄片，每塊大如面膜，食落軟如棉花，滿嘴油脂甘香。
8款肉任揀！即叫即唧手打丸
「肥牛吧」旁邊則有個「肉丸吧」，有齊八款丸類，包括蝦丸、陳皮牛丸、羊肉丸和鯪魚肉丸等，亦可以等你自己發辦，叫師傅幫你將不同肉膠Mix & Match，創作個人口味的丸類。
在手打丸吧選好肉類款式，師傅就會即拌即打，直至肉質起膠，再人手唧出肉丸。
手打肉丸粒粒有彈性，陳皮牛丸夠清香，豬肉和雞肉丸口感鬆化，羊肉丸有孜然香而不羶。
又會釀入海膽醬、鵝肝醬、白松露醬和芝士做包心丸，玩味十足。
睇埋其他火鍋靚料！
除了自選火鍋肥牛和手打丸，這裡的配料還有每日時令的揀手海鮮，有齊時令蟹、海中蝦、鮑魚、 蟶子、元貝和龍躉片，款款都件頭大，好新鮮。
還有鮮製的手工餃類，北京餃子賣相最靚，以菠菜汁和甘筍汁做餃子外皮，內裡是白菜豬肉，調味剛好，肉汁菜汁豐富。
連火鍋必備的豆品類，也選用大埔名物樹記腐竹和鮮炸響鈴！
環境走小酒家格局，明顯走親民路線。火鍋的價錢不算貴，埋單每位大約二、三百元，經濟價錢食到名廚監製的高質火鍋，算抵食！
豐生水起
地址：大埔翠和里5號麗和閣地下F舖（顯示地圖）
電話：2728 0668
營業時間：星期一至五 11am-3pm、6pm-1am；星期六、日及公眾假期 9am-3pm、6pm-1am
平均消費：$300/位
備註：火鍋只限晚市供應；晚市茶芥每位$12、火鍋醬料每位$15；設加一，現階段只收現金。
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
