$188海鮮火鍋！ 聚滿坊 鮑魚花蟹瀨尿蝦生猛曉跳 | 佐敦食乜好
廣告
之前多得歐錦棠真心介紹一間「頂級過分良心食店」，位於佐敦嘅粥底火鍋店 聚滿坊 ，每日提供新鮮海產，包括鮑魚、瀨尿蝦、紅花蟹、大蝦、蠔、魷魚、蜆、泥鯭等，某幾款仲好生猛曉跳，所以煮出來嘅海鮮會食到原汁原味，而價錢卻只係＄188，咪話唔抵。
$188海鮮 火鍋 ！鮑魚花蟹瀨尿蝦生猛曉跳
雖然今次非任食火鍋，每份食物分量已定，但要食得飽絕對唔難，兼且食物質素都幾好。話明「粥底 火鍋 」，當然以粥作為湯底，但今次嘅粥係冇米粒，原因老闆擔心米煮得耐會燒焦窩底，以及影響湯底稀稠度。
如果想食粥，就等到最後食晒所有 火鍋 料，店員就會攞出「有米粥」、蔬菜、蔥花煮成一煲綿滑米粥，溝埋剛才滾過嘅生猛海鮮精華，簡直和味！
Photo credit：竹仔@markyourlife
聚滿坊的海鮮都係由店員，每日親自到油麻地及土瓜灣各大小街市購買，非常生猛。不過，與其講到有幾新鮮，不如自己睇下啲相有幾正，海鮮分量有幾多，size有幾大，自行判斷抵唔抵食喇！
放心！店鋪雖以海鮮為主打，但亦提供肥牛、滑雞、魚丸、魚滑、粟米、南瓜片、芋頭等食品，就算唔食海鮮的一樣有選擇。
聚滿坊．粥底火鍋
地址：佐敦文蔚街44號地舖（顯示地圖）
電話：23882848 / 23887380
營業時間：時段一 6:30pm-9pm；時段二 9pm-12:30am
收費：hkd$188 (免加一）
備註：必須預訂，兩位起，夠三十人可包場
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
