自助晚餐

聖誕「大富翁」海鮮自助晚餐任食海鮮生蠔 + 火炙波士頓龍蝦 +「大富翁」甜品

新假期編輯部

Nov 29 2019

(Presented by Royal Plaza Hotel)

數數手指，原來唔夠一個月就到聖誕節！係時候諗下食咩好！嚟緊呢個聖誕旺角帝京酒店今次會同「大富翁」合作推出「棋」妙聖誕美食之旅自助晚餐！見到啲甜品充滿聖誕氣氛，真係好想食晒佢呀！即刻睇下有幾吸引先！

見到「大富翁」聖誕造型蛋糕好吸引呀！入面係傳統嘅菓子蛋糕！仲有「大富翁」先生個樣好cute！食之前一定要同佢selfie先！

除咗甜品，大家最鍾意嘅海鮮又點少得！多款選擇例如：松葉蟹腳、海蝦、藍青口、龍蝦鉗、統統任食又夠晒新鮮！

當然仲有一向深受港人最愛嘅生蠔，自助餐上都會源源不絕咁供應。廚師揀選咗嚟自法國同埋美國嘅空運生蠔，貪佢肥美鮮甜，全部即開即食，好鮮甜㗎！

熱葷方面都有好多必食選擇，例如牛油蜆肉芝士忌廉汁火炙波士頓龍蝦，龍蝦肉夠爽口彈牙，芝士忌廉汁夠濃郁！

而聖誕節又點少得切火雞呢？呢個蘋果木燻釀火雞，肉汁鮮嫩，加埋蘋果酸酸甜甜好好食，完全唔油膩，非常應節。

香煎鴨肝松露黑醋汁配芹菜頭蓉，鴨肝嫩滑，煎得外脆內軟，配上松露黑醋汁除咗減輕油膩感，更可增添一份松露香，提升味道層次，真係食唔停口！

聖誕傳統美食仲有呢個牛肝菌焗威靈頓牛柳，牛肉鮮嫩多汁，外皮酥脆香濃，因為工序繁多，唔係度度都食到㗎！

焗酥皮帶子龍蝦湯飲落有濃濃嘅龍蝦味，帶子夠嫩又新鮮，勁足料呀！龍蝦湯上面嘅酥皮焗到金黃又香脆，吸收龍蝦湯之後仲滋味！(龍蝦湯供應期為2019年12月24日至26日及31日)

食肉獸注意！現場仲有燒美國有骨肉眼，同埋雪鹽羊扒岩板燒，啖啖肉之外，粉紅岩鹽板賣相夠晒吸引，一定相機食先呃下like啦！

雪糕控對呢個雪糕區一定最開心，因為有8款Movenpick雪糕口味任你揀，呍呢拿、士多啤梨、瑞士朱古力、楓糖合桃等，鐘意嘅仲可以自己加埋彩虹碎糖同朱古力醬𠻹！

宜家每位入場食客，都可以獲得大富翁機會卡一張換取一款贈品，首100位仲可以優惠價預訂自助晚餐，或者THANN嘅禮品，呢個係早鳥優惠，先到先得㗎！

(贈品：花膠五蛇羹、和牛荷葉包、一本穴子壽司、鮑汁鮮菇花膠扒或酥炸軟殼蟹 )

另外，於2019年12月15日前，除左可以提前預訂優惠價購票外，仲可享以下優惠，即係等於折上折呀!

惠顧指定日子自助午餐，每滿3位成人，同行1位小童免費
惠顧指定日子自助晚餐，6人同行1人免費

想知更多詳情同埋訂位，即去https://royalplaza-80a0.kxcdn.com/wp-content/uploads/LS_Christmas-Buffet_Website-Poster-1.jpg

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

帝京酒店大富翁自助晚餐任食海鮮