聖誕甜品胃出動！12款最靚聖誕甜品推介！

Q: 2023香港聖誕節有什麼好去處？

今年聖誕節，不少地方都推出了精彩絕倫的活動。例如，友邦嘉年華、迪士尼聖誕節...... 詳情請看 ；今年各區亦有 聖誕市集 、 、 聖誕樹 、 冬日美食節 等等。

Dec 24 2015

一雙一對又好，成班朋友也罷，食完一頓聖誕大餐後，冇下場點得？梗係要繼續狂歡食甜品啦！一講到甜品，人同牛一樣，係有幾個胃可以消化嘅。今次為你搜羅12款賣相超靚兼好味嘅甜品，又食又PO，贏盡FB / IG。

單身人士專屬？ Lonely雪糕

頭先唔記得講，就算閣下係單身貴族冇節目，紙藝雪糕店Loooop，都好窩心地照顧你需要。今年Loooop為情侶、一家大細、甚至單身人士設計咗5款聖誕主題特色雪糕，賣相cute且靚，影相呃like一流！
1. 最 sweet 嘅Lonely Christmas
「Lonely Christmas」係用咗糖膠製成嘅水晶球包住棉花糖雪人，再配以店內特製嘅Blue Moon雪糕，而裝住雪糕嘅碗則是威化，全部睇得又食得，不過望真d個雪人，又好似有d寂寞同凍……

單身之選 Lonely Christmas $55 — Lonely Christmas $55

2. 情侶孖住食U & ME

呢款U & Me雪糕就啱哂情侶喇。紳士雪糕係朱古力威化筒加朱古力榛子雪糕，而女士雪糕係玫瑰味威化筒加Blue Moon雪糕，鬍鬚同紅唇用朱古力製成。如果買一pair，仲會有一條可食用米紙造嘅心形頸巾連住佢哋，仲唔羨慕死隔離！

U & ME 一杯$45 一對$80
3. 聖誕雪人來了Christmas Wonderland
綠茶威代筒配上Blue Moon雪糕，雪糕頂有好可愛既雪人棉花糖，加埋聖誕紙藝裝飾，真係成個wonderland咁，勁有聖誕feel！

用綠茶威代筒裝上Blue Moon雪糕，雪糕頂部有好可愛既雪人棉花糖，加堆誕紙藝裝飾，勁有聖誕feel！（Christmas Wonderland $53） — Christmas Wonderland $53

4 & 5. 小朋友至愛聖誕老人、聖誕鹿 ice s’more bar
聖誕老人同聖誕鹿入面，分別係朱古力或綠茶味雪糕，外層係雲尼拿或綠茶味棉花糖，將棉花糖燒至金黃色，令到佢哋外脆內軟！聖誕老人仲有一把好大嘅棉花糖鬍鬚，好盞鬼！

（左）聖誕老人 ice s’more bar ；（右）聖誕鹿 ice s’more bar — （左）聖誕老人 ice s’more bar $45；（右）聖誕鹿 ice s’more bar $45

Loooop
地址：大坑浣紗街2A 地下（顯示地圖）
電話：8192 9320
供應日期：即日起至2016年1月7日
營業時間：星期一至日12nm-12am

味覺挑戰菠蘿包、Wasabi味雪糕

Smokey Ice推出了不少口味獨特嘅雪糕，有菠蘿包味、馬騮搣味和海鹽焦糖味等等，今次又出新口味雪糕，呢款口味唔係個個都頂得順，唔知你夠唔夠膽試呢？
6. 新品！攻鼻 Wasabi雪糕
雪糕有攻鼻嘅感覺，但唔會太辣，味道好特別！以為魚仔入面係豉油咁伏？唔洗擔心，朱古力醬嚟嘅啫。

7. 好似系~腸粉套餐
一睇以為腸粉，查實佢係甜品！完全畀佢賣相呃咗，睇落唔似甜品，同腸粉、魚旦相似度極高！腸粉實情係椰汁卷，魚旦係紅豆餡嘅炸糯米糍，而中間就係豆腐味雪糕。

8. 食得嘅聖誕樹
應節點少得聖誕款式嘅甜品呢？呢個聖誕樹造型嘅綠茶窩夫，配上綠茶醬、雲呢拿及綠茶雪糕，仲有彩虹碎糖做點綴，味道唔錯架！

Smokey Ice
地址︰長沙灣長義街9號D2 Place一樓101舖（顯示地圖）
電話︰6030 6307
營業時間︰星期日至四2pm-11pm，星期五、六2pm-12am

9. 馳名奶茶變身梳乎厘

中環party前想食甜品，一定要去重新開業嘅翠華啦，晏晝除咗新推英式下午茶，更正係有奶茶梳乎厘！不過，想試嘅朋友仔要留意，奶茶梳乎厘供應時間只係下午3點至10點半，太早或太夜都冇得食架！
呢個奶茶梳乎厘有成七吋高，份量都幾大，可以同朋友開心share。質感實在又唔會太甜，如果你嫌唔夠甜，可以加埋煉奶一齊食。