聖安娜推出D24榴槤蛋糕！馬來西亞D24榴槤果肉＋3D立體造型｜新品速遞
廣告
聖安娜繼阿華田蛋糕又有新搞作！正值榴槤當造的季節，聖安娜於今日（7月4日）推出D24榴槤蛋糕，3D立體造型的榴槤蛋糕賣相吸引，選用馬來西亞D24榴槤製成，甘甜濃郁，食落更有滿滿榴槤果肉，榴槤甜品迷要衝啦！
撰文：Sakura 攝影：Tony、官方圖片
聖安娜 D24榴槤立體蛋糕
榴槤甜品控注意！聖安娜於今日（7月4日）推出3D立體造型的D24榴槤蛋糕，以3D榴槤造型登場，以綠色忌廉模仿榴槤釘，加上朱古力噴沙和朱古力榴槤柄作裝飾，造型相當精緻又可愛。
D24榴槤蛋糕內以海綿蛋糕伴以榴槤忌廉夾心，夾心加入D24榴槤肉及細滑鮮忌廉打成，口感綿密，更食到啖啖榴槤果肉，榴槤味濃郁，甜味適中且帶微微奶香，入口creamy；另海綿蛋糕都很鬆軟，食到陣陣蛋香，再配上朱古力脆脆夾層，甜而不膩，口感豐富。
蛋糕由即日（7月4日）起，於聖安娜全線分店和港鐵站分店有售，另網站更可接受提前預訂，季節限量供應，榴槤迷萬勿錯過！
售賣點：全線聖安娜分店有售
同場加映！
聖安娜黑白阿華田脆脆蛋糕
香濃的阿華田味道有誰不愛？聖安娜餅屋則於今日（5月16日）推出一系列以阿華田味道為主題的蛋糕，用上阿華田營養麥芽飲品、以及阿華田牛奶麥精飲品調配成黑白顏色，中間更會夾著濃郁阿華田慕絲和阿華田軟心，上面則放上朱古力脆脆，朱古力味道香濃。此次蛋糕系列共有4款種類可選，分別是原個蛋糕、蛋糕三文治、捲蛋和切餅。
售賣點：全線聖安娜分店有售
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
