香港版美登利!? 午市套餐 $9.8 海膽軍艦!! $28 即劏鮑魚壽司 |尖沙咀食乜好|

Text：Jacky photo: Scott

尖沙咀美登利!? 午市$9.8 食 海膽軍艦

店內格局跟壽司連鎖店相差無幾，以平板電腦點餐，提供綠茶粉予客人自己沖茶。新店靠平日午市限量 $98 套餐殺出一條血路，十件壽司中包括 海膽軍艦 、赤海老、拖羅蓉等款式，平常單點一件也得二三十元，更連味噌湯及茶碗蒸。每件壽司飯上的魚生，重量又由一般的15-20g 加碼至 23-25g，長得正好貼着碟面，感覺豐富。

其餘全日供應的壽司套餐，由 $248-$368 不等，性價比也不錯，如 $288的組合，無論是款式或是擺法，都跟美登利的招牌套餐有幾分相似。縱使價錢跟美登利仍有距離，但以尖沙咀貴價地段來說，已算超值。

Budget choice! $28 活鮑魚壽司

單點壽司亦有亮點，店內主打的兩款活壽司，分別為鮑魚及花竹蝦，雖然份量不算多，但都是即劏即做，以鮮度搭夠，價錢都是 $28/件。帆立貝用比坊間大隻的品種，切半已是平常的份量，以海鹽醃個半小時做熟成，入口味道更濃，質地腍滑，值得一試。

日本師傅主理

店舖由日本師傅主理，菅原健二師傅於日本執業二十多年，來港後曾任職同區的高檔壽司店，手藝純熟，每件由他握出來的壽司， 造型工整， 米飯入口不死實，在這平民價錢來說，實屬少見。

十和田總本店
地址：尖沙咀金馬倫道42號華懋金馬倫中心地下（顯示地圖）
電話：2668 8791
營業時間：11:30am-4:30pm，5:30pm-11pm
備註：$98套餐於平日午市限量發售，售完即止。設加一，只收現金，不接受訂座

延伸閱讀