網民投訴激安殿堂水蜜桃「有蟲」　食後患腸胃炎屙足10次

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jul 19 2019

日本最大的連鎖雜貨店《驚安の殿堂ドン・キホーテ》（激安殿堂）近日首間分店登陸香港，吸引了不少人去「打卡」朝聖。打卡時就少不了購物，近日一位網民就在FB群組表示自己因「激安熱潮」下購入3份日本水蜜桃，豈料食用時驚見桃心有多隻蟲蟲，在不知情的情況下已經食了一隻桃，當晚已開始肚瀉，翌日確診患上腸胃炎。

撰文：GW｜來源：中伏飲食報料區

網民帖文中指出，她14日在激安殿堂買了三份水蜜桃，仲因為唔會全部即日食晒，叫店員幫眼睇吓邊啲無咁熟可以多擺一兩日。16日時切開時發現好多隻蟲喺桃心入面走出嚟，但在不知道的情況下已經食咗一隻桃落肚。

結果當晚凌晨就開始肚瀉，第二日仲頂唔順走咗去睇醫生，最後被確診患上腸胃炎。由影片可見，桃心已變黑，睇落已有小小壞掉，仲有黑色蟲仔走嚟走去，異常嘔心。帖主提醒大家「間舖出名唔一定啲貨靚」，仲擔心會唔會連其他生熟食都唔乾淨！

帖文一出，引來大量網民在底下留言，「激安熱潮＝中伏熱潮，日日都有人中伏！」、「其實好多桃入面都有蟲，會唔會係你無注意最佳食用日期？」、「報咗食環未？」，也有其他網民指出，激安嘅生果新鮮度真係未必贏到其他日式超市，買完嚟食真係有「後悔」嘅感覺。如果大家都有係同一間店舖買同樣的水蜜桃，進食時就要更加注意會唔會意外食咗蟲仔了！