小心思 煮出大心意 為愛人準備與別不同的端陽 粽！ @Dining娜

端午食 粽 食足十幾廿年，鹹肉裹蒸鹼水紅豆，如果可以變出新意就更好！雖然好多舖頭都推陳出新，加好多新食材、新口味入去，不過又唔係款款都鍾意，我都係鍾意傳統大大隻又多料嘅裹蒸 粽 多啲！好彩，早幾日碌碌下facebook，見到聖安娜搵咗個叫Kannis嘅靚女廚師，拍片教人端陽 粽的新食法。佢本身係食物造型師，又寫過好多cookbooks，最正係睇落完全唔難整，幾分鐘搞掂，零失敗，保證一學上手。

裹蒸 粽切件 煎出新意

有好嘢，梗要bookmark起，開心些牙啦！Kannis就用咗一鹹一甜兩款 粽做示範。我最想試鹹嗰款：揀咗隻又大又足料的「極品元貝金腿裹蒸 粽」，室溫放8-10分鐘，解繩拆葉，再切厚片。然後打2隻蛋，將粽件均勻蘸上蛋漿，放入加咗2湯匙油的煎鍋上慢火煎香，煎至兩面都金黃色，就可以上碟。望上去，件件油潤光澤，外面有蛋香，入口軟糯，咬大啖啲仲食到冬菇同金華火腿添，每隻 粽都有兩大粒北海道元貝，勁好味，1個人隨時唔覺意食咗大半隻。

自創醬汁 想點就點

如果你堅持鍾意傳統烚 粽的煙韌，都有計！粽可以照烚，但就從醬汁落手。好似Kannis就為另1款好經典嘅桂花紅豆 粽配咗個新蘸醬。又係好簡單：用小鍋將1.5湯匙幼粒花生醬、400ml椰奶慢火煮勻，再加1湯匙白醋同1.5湯匙砂糖，慢火煮熱，試啱味倒起，就可以用來蘸 粽食。果然加些少創意，感覺豐富晒！睇完片，我依家滿腦新煮意，等我又自創番個獨門秘醬先！

唔係~唔係，應該訂咗 粽先，18/5或之前用中銀信用卡或者登記做聖安娜會員訂聖安娜端陽 粽有69折；如果訂滿3盒，仲有額外95折。抵咁多，都係訂好先慢慢諗點食。