元朗$198海鮮粥底火鍋套餐老闆火鍋冰室自選7款海鮮＋30款配料｜區區搵食

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Nov 6 2019

最近位於元朗昌盛街則新開一間充滿港式風味懷舊餐廳，店內推出新張優惠，只需$198即可嘆到海鮮粥底火鍋套餐，套餐可任選7款時令海鮮，亦可從30多款火鍋配料任選8款，食完仲可加埋粥底再煮，鮮甜綿滑，趁有秋意快啲試下啦！

撰文：Sakura、Rice 攝影：Issac

老闆火鍋冰室元朗 $198海鮮粥底火鍋套餐

元朗出名美食多籮籮，站在餐廳密集的又新街就足以令你花多眼亂，其實想食好嘢並非只有大街，到內街小巷都可以尋到寶。最近位於元朗昌盛街就新開了一間充滿懷舊港式風味餐廳，名叫老闆火鍋冰室，牆上印滿舊時代的黑白相片、電影海報以及紅色吊燈，就像置身於七、八十年代中。打開餐牌就見到新張優惠 $198/位海鮮粥底火鍋套餐(必須2位起)，有齊7款時令海鮮、 3款蔬菜和8款火鍋配料，更不需加一服務費，非常超值！

最近於元朗新開一間餐廳，店內趁新張優惠推出8海鮮粥底火鍋套餐，可任選7款時令海鮮＋8款火鍋配料，當中更有爆膏青蟹、肥牛、花膠仔等配料，十分豐富。 — 最近於元朗新開一間餐廳，店內趁新張優惠推出$198海鮮粥底火鍋套餐，可任選7款時令海鮮＋8款火鍋配料，當中更有爆膏青蟹、肥牛、花膠仔等配料，十分豐富。

任選7款時令海鮮必吃爆膏青蟹

$198海鮮粥底火鍋套餐中的火鍋湯底一律以純白粥水作底，套餐包括2款指定海鮮青蟹及沙白，其中青蟹十分新鮮，掰開已看到滿滿蟹膏，食落鮮甜肥美，啖啖嫩肉，勁正！另外客人更可自選5款時令海鮮，記者當天就選擇了海蝦、鮑魚、刀貝、象拔蚌仔和蟶子，當中海蝦大大隻，且蝦肉結實，沾上自家製XO醬更加惹味！店子的海鮮每日不同，全由大廚當天於街市購買，保證生猛新鮮。

30多款火鍋配料！
雪花肥牛＋花膠仔

套餐另可在多達30多款火鍋配料自選8款，包括美國雪花肥牛、自家製墨魚丸、穀飼黑豚脢肉、鹹蛋豬肉丸、養顏花膠仔等，款式可謂應有盡有，其中美國雪花肥牛，肥瘦均勻，食落牛味濃郁，入口嫩滑 ; 鹹蛋豬肉丸也值得一試，粒粒鹹蛋黃摻入豬肉，食落肉質爽口，愈食愈像鹹蛋蒸肉餅的濃縮版，鹹蛋味很足，相當不錯！愛美的女士們就要試養顏花膠仔，膠原蛋白豐富，食落勁爽口！

美國雪花肥牛<br srcset= — 肥瘦均勻，色澤鮮紅，牛味濃郁。” width=”1200″ height=”800″ /> 美國雪花肥牛
肥瘦均勻，色澤鮮紅，牛味濃郁。

極上牛柳粒<br srcset= — 質感柔軟，口感鬆化。” width=”1200″ height=”800″ /> 極上牛柳粒
質感柔軟，口感鬆化。

穀飼黑豚肉<br srcset= — 肉味濃郁，軟腍美味。” width=”1200″ height=”800″ /> 穀飼黑豚肉
肉味濃郁，軟腍美味。

養顏花膠仔<br srcset= — 爽口脆身，滿滿骨膠原，女士們食就最啱！” width=”1200″ height=”1800″ /> 養顏花膠仔
爽口脆身，滿滿骨膠原，女士們食就最啱！

鹹蛋豬肉丸<br srcset= — 食落鹹蛋黃味足夠，好像鹹蛋蒸肉餅一樣，值得試。” width=”1200″ height=”800″ /> 鹹蛋豬肉丸
食落鹹蛋黃味足夠，好像鹹蛋蒸肉餅一樣，值得試。

蟹子墨魚釀魚肚<br srcset= — 外皮煙韌爽口，魚肚吸盡湯汁，不錯。” width=”1200″ height=”800″ /> 蟹子墨魚釀魚肚
外皮煙韌爽口，魚肚吸盡湯汁，不錯。

自家製墨魚丸<br srcset= — 爽口彈牙，墨魚味濃。” width=”1200″ height=”800″ /> 自家製墨魚丸
爽口彈牙，墨魚味濃。

重頭戲到啦！海鮮粥底火鍋的精髓所在，便是海鮮的鮮味精華完全滲透入熱粥之中。品嘗完所有海鮮和火鍋配料後，店員就會送上乾瑤柱、南瓜、芋頭和粟米，加入粥底煮幾分鐘至質感軟腍後，之後店員會再額外混入粥膽再煮，並於粥面灑上豬油渣粒、菜脯粒等提升鮮味，一碗鮮甜海鮮粥就完成啦！由於湯底已盡吸海鮮和肉類的精華，食落鮮甜美味，熱粥軟滑綿密，記得留肚食多幾碗吖！