粉果佬觀塘開店！必食名物：$10/5粒手包燒賣＋爆餡汕尾粉果
廣告
「粉果佬」觀塘開店啦！位於大埔的「粉果佬」一輕深受港人歡迎，門外經常大排長龍，其手包燒賣出名大大粒夠煙韌！最近小店衝出新界，在觀塘開分店，相信會引起一班街坊去幫襯！
大埔粉果佬更多詳情
粉果佬觀塘開店！新店選址在人來人往的巧明街，終於不用長征到新界先食到啦！（圖片來源：粉果佬）
粉果佬觀塘開店！80歲參叔堅持人手包製粒粒燒賣 新店限定優惠！
提到城中好食的燒賣，相信不少燒賣愛好者都會第一時間想到「粉果佬」！粉果佬第一間店位於大埔，經常有不少港人專程幫襯，最近小店終於衝出新界，在觀塘巧明街插旗，終於不用去到大埔先食到啦！雖然店名叫作「粉果佬」，但是燒賣卻是其人氣名物，年屆80歲的老闆參叔多年來堅持每早7點都跑到店內打點一切，由搓皮備餡至一籠籠蒸出來，事事親力親為，難怪燒賣成功俘虜一班食客的胃口！觀塘新店開張期間，只要買滿$30並於門市出示打卡照，即多送2粒手工燒賣，優惠期直至3月31日，送完即止！
薄皮爆餡汕尾粉果
「粉果佬」店內除了燒賣外，必提汕尾粉果。全程人手製作，手搓手擀粉果皮，包入粉葛粒、豬肉、芹菜等，人手摺瓣，工序多而繁複。汕尾粉果價錢也相宜，只需$10即可食到3件，配上自家製辣椒油，令人想一口接一口地食。
- 餐廳：粉果佬
- 地址：觀塘巧明街99號巧明工廠大廈地下3號舖
- 營業時間：星期一至日8am-8pm
粉果佬觀塘新店地址在哪？
粉果佬新分店選址在觀塘鬧市區，……詳情按此。
粉果佬有什麼必食推介？
粉果佬必食其人手包製的粒粒燒賣和爆餡小食，……詳情按此。
圖片來源：粉果佬、新假期編輯部
