茶記$60 米線放題 ！75分鐘任食四餸米線|荃灣食乜好|
廣告
日本放題、燒肉放題大家就食得多，米線都有放題你聽過未？荃灣一間外表普通的茶餐廳，上周新推出$60 米線放題 ，於75分鐘內任食米線！平時去譚仔1碗4餸可能結帳近$50，現在$60食夠4碗還可以！即刻帶大家去試試味道！
撰文：bu｜拍攝：Tony
茶記 米線放題4款湯底 3款麵
餐廳提供4款湯底，包括清湯、香辣石螺湯、酸辣湯及麻辣湯。雖說米線放題，但除米線外，還有紅薯粉及桂林米粉。另外有28款餸供選擇，包括自家製魚滑、班腩、豬粉腸等，不過每一碗只限叫4款餸。
第1碗：清雞湯米線
米線爽口，口感不錯，不過清雞湯味精又點過重，吃完一碗後有點口乾。餸方面則叫了自家製魚滑，是鯪魚肉，頗彈牙；另一款自家製的韭菜餃則較普通，不太有韭菜味，而且一夾就散；而點菜單上所稱的蟹棒，其實只是普通蟹柳。
第2碗：麻辣湯紅薯粉
麻辣湯很特別，有種濃烈香茅味，驚喜！不過對紅薯粉就有點失望，記者本身很喜歡吃紅薯粉，鍾愛其爽口，但這碗完全不爽口。另點了豬粉腸、豬皮及班腩都是一般。
第3碗：香辣石螺湯紅薯粉
香辣石螺湯則很失望，實質只吃到辣，湯沒甚麼其他味道。
第4碗：酸辣湯紅薯粉
酸辣湯一送到，就已經有強勁的酸味，反而這款湯底沒有辣度，我覺得不錯，建議大家第一碗應該先點酸辣湯底，因為吃完很開胃！
同場加映：墨魚芝士腐皮卷
現時只要對餐廳專頁讚好就能每人獲送一條墨魚芝士腐皮卷，炸腐皮及墨魚間有芝士，餐廳自創。墨魚彈牙，不過芝士得一邊有，還有感覺有點油膩。食飽當然要飲杯飲品，加$10就可以有一杯特飲，如青檸梳打、紅豆涼冰或柑桔蜜。
記者試食後感：
只有麻辣及酸辣有點驚喜，整體味道一般，而且每款餸只有一至兩粒略嫌太少，很快就只得淨食麵。試食於下午3時許，不過加單時米線已經賣完，而米粉當天亦沒有來貨，所以只剩紅薯粉。雖然$60任食的價錢很吸引，而且75分鐘絕對可以吃得捧著腹離開，不過想要質素定質量就見仁見智了。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
