築地人氣蝦湯拉麵 70隻蝦熬一碗湯|中環有咩好食|
廣告
講起築地，多數只會記起漁市場的肥美刺身，但築地美食又豈止咁表面？當地就有一間人氣拉麵店えび金，主打以鮮蝦熬湯，配自家製拉麵，每日限賣200碗， 排隊都未必食到。最近過江來港開首家海外分店，日本師傅親自來港指導蝦湯配方、製麵技巧，非常講究。
海老拉麵 $110
每碗招牌蝦湯在當地會用上50隻甜蝦來熬製，來到香港更加碼用夠70隻，將蝦頭烤香後放入豬骨、豬蹄熬成的骨湯，再慢熬成蝦湯，最後加入紅葱頭、蝦頭炸成 的蝦油，味道濃郁到一行入舖就聞到！用的麵條跟足本店，是傳統的幼身直拉麵，從日本訂造製麵機，在香港鮮製。配料更以低溫真空烹調的雞胸肉取代日式叉燒， 食落無咁膩滯，和重味的蝦湯更夾。另有香港獨有的特濃蝦湯沾麵、斯里蘭卡蟹湯拉麵、日式豬腸煮物等，價錢和其他過江拉麵店相若，絕對食得過。
蟹湯拉麵 $95
特濃蝦湯沾麵 $100
餃子 $35/5件
日式豬腸煮物 $35
Ebikin Ramenえび金
地址：中環荷李活道39-43號安樂樓地下C舖（顯示地圖）
營業時間：11:30am-10:30pm
查詢：2815 1533
備註：接受信用卡
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
