大圍秦石街市 全新掃食場 開至凌晨12時 9間食店進駐：口水雞＋爆餡熱狗＋芋圓＋海膽丼飯｜區區搵食

撰文：Rice｜圖片來源：Day、秦石街市

秦石街市 大圍古廟風掃食場

位於大圍的「秦石街市」，經過四個半月翻新過程後，以中式古廟風貌重現大家眼前。今次環境設計把車公廟和古典中式建築元素融入其中，包括紅柱綠瓦、祥雲雕刻裝飾和紅燈籠等，更加入車公廟的特色風車，有種走到古代的錯覺。秦石街市除了有多間專賣不同食材如凍肉、蔬果、海鮮的店舖外，還新增了一條開到凌晨12時的掃食街。食街有9間食店進駐，中、日、西的掃街小食都有，總有一款啱心水。

大圍秦石街巿9間食店進駐！即睇推介！
1）琪味小食：麻辣口水雞＋酸辣粉

夏天當然想吃點辣來刺激味蕾，第一間推介是專賣川菜的琪味小食，每款食物食落又麻又香。想開胃點，就有涼拌小吃，麻辣口水雞是首選，麻辣辣度交足功課，紅油滿瀉，麻香辛辣，且雞件更滑嫩爽口，食指大動。想飽肚點，當然要來碗酸辣粉，用上自家製辣椒醬、自家熬成的雞湯作湯底，薯粉煙韌QQ，很索汁！

2）德國熱狗：搞鬼熱狗名！夏惠姨＋馳名港狗

有多間分店的德國熱狗，亦有進駐，其熱狗命名相當搞鬼。「夏惠姨」原來是酸甜開胃的菠蘿辣肉腸熱狗、「馳名港狗」是芝士火腿腸煙肉熱狗，還有一款叫「是狗旦」，是廚師發板款式，有酸菜醬、酸瓜、芝士、紐倫堡腸，配上自家製的茄汁及沙律醬，酸甜開胃，有趣可笑。熱狗包表皮烘得脆身，包身軟熟，夾著的餡料充足，一咬吃得狼狽但很滿足。

3）瀛風：買1送1手卷＋丼飯

想飽肚點，可要幫襯瀛風，主賣日式丼飯。最推介當然是豪華代表海膽丼，用馬糞海膽，口感份外Creamy細緻，海水味濃。想慳荷包的，就有雜錦刺身丼、極上刺身丼，特別是極上刺身丼，足足有6款配料，款款刺身肥美，很滿足！而手卷方面，晚上9點後做買1送1優惠，超過50款口味可選，海膽及三文魚籽除外，超抵食！

4）泰屋2：惹味海南雞飯＋西米糕

泰屋2主賣泰國菜，由正宗泰國人主理。海南雞飯是招牌，雞肉滑嫩，配上油香十足的油飯，很滋味。蘸上甜豉油、薑蓉及辣椒，更引出雞肉的鮮甜。甜品方面，芒果糯米飯固然是首選，想不到這裏竟有賣泰式西米糕，屬經典泰國甜品，清甜軟滑，椰香味道香濃，一口一件，多吃幾件都不怕膩。

5）傳承麵館：暖胃碗仔翅＋韭菜餃

想地道一點，就不妨來點碗仔翅。這間傳承麵館便有賣，碗仔翅煮得濃稠足料，輕輕一舀已是冬菇、木耳、粉絲等材料，淋點醋，酸咪更開胃。另推介上湯韭菜餃，即場包製，皮薄餡料，韭菜分量多，味道濃厚好吃，香味足！

6）煙韌QQ鮮芒芋圓＋榴槤糯米糍

甜點糖水坊有多款糖水，當中的四色芋圓更是招牌，選擇配搭可不少，可配涼粉、仙草、紅豆沙、綠豆沙、芝麻圓，芋圓搓得煙煙軟糯，口感QQ很有嚼勁。想夏天一點，記得要點鮮芒芋圓，芒果甜度十足，帶微酸，配上芋圓，口感豐富且感覺很Fresh。喜愛吃榴槤記得要點榴槤糯米糍，用上D24榴槤製成餡料，一咬即爆餡。

7）添寶手撕雞：口味多多 Wasabi手撕雞

添寶手撕雞既然打正旗號賣手撕雞，固然不讓大家失望。口味多多，由香辣、麻辣、豉油王，再到新奇口味如芥末、胡麻醬、芝士、咖喱汁及黑松露，配搭創新且不違和。嗜重口味的固然必點麻辣，辛香麻辣，但不會辣得嗆喉，想試點新意，最推介芥末，惹味且開胃。另外也可配搭海蜇，還有其他小吃如鹽水鴨、滷水鵝翼、麻辣皮蛋。

8）原味烤作：街市熱賣！脆皮豬手

這間原味烤作是食肉獸至愛，有原隻燒春雞、燒豬頸肉、原塊煙鴨胸等，可以買料回家加餸。不過最受街坊喜愛的，絕對是德國鹹豬手。炸得金黃脆身，咬落脆卜卜，肥瘦均勻，不會過鹹，配上微甜的蜜糖芥末醬，很相配。

9）E.Tea茶星人：冰涼消暑 芝芝芒芒＋芋泥奶茶

掃完街當然要買杯飲品解渴消暑。E.Tea茶星人則有一系列飲品供應，有果香十足的水果茶、芝香十足的激濃芝士奶蓋茶、香甜滋味的鮮奶朱古力、以及煙韌Q彈的黑糖波霸，冰涼清新。

• 餐廳：秦石街市
• 地址：沙田大圍盛田街1號（顯示地圖）
• 營業時間：9am-12mn
• Facebook專頁：秦石街市