【秋天食乜好】四間抵食大閘蟹餐牌一覽

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Sep 25 2015

秋天已經到咗啦！又嚟到食大閘蟹嘅季節，一眾愛蟹之人當然唔會錯過任何食蟹機會，唔知邊度嘅大閘蟹抵食？唔緊要！我哋已經為大家精選咗四間抵食大閘蟹俾大家揀！

紫粵軒 $398「大閘蟹膏瘋會」

想嚟餐豪食大閘蟹，香港九龍東皇冠假日酒店紫粵軒就可以滿足到大家啦！紫粵軒會係2015年9月20日至11月15日期間，舉行「大閘蟹膏瘋會」，今年佢哋提供正宗江蘇太湖大閘蟹，每隻四至五両重。呢間餐廳仲有一個特別服務，就係拆蟹啦！呢個服務真係啱曬懶人，紫粵軒有拆蟹師的服務，在客人餐桌旁，幫大閘蟹清除內臟同分件，但每隻要收番$5。

唔想俾錢？好彩佢哋都會為客人免費示範拆蟹。而且不可以多食大閘蟹嘅人，佢哋都會準備五至六両重的大閘蟹，原籠蒸逐隻上台。除原隻大閘蟹外，菜譜仲有以蟹粉為主，將鮮拆大閘蟹肉、蟹膏加入鹽、花雕、薑米、清雞湯及少量茨汁炒香，金黃色蟹膏混和蟹肉，四百都唔洗，抵呀！

香港九龍東皇冠假日酒店紫粵軒

地址: 香港將軍澳唐德街3號2樓 (港鐵將軍澳站C出口)（顯示地圖）
查詢及訂座電話: 3983 0688
供應日期: 2015年9月20日至11月15日
供應時間: 晚上6時至10時30分 (最後落單時間為9時45分)
價目: 星期一至四成人每位$398 ; 星期五至日及公眾假期成人每位$428 小童每位$208

帝都酒店HK$398起任食大閘蟹

帝玉庭推出HK$398起任食大閘蟹套餐，顧客可以任點任食三款用獨特手法烹調的大閘蟹，當中包括清蒸大閘蟹、麯酒浸大閘蟹同埋清香龍井大閘蟹，全部採用江蘇太湖野生大閘蟹，每隻蟹都有四至五両重，任食套餐仲包括蟹粉燕液羹同即泡薑茶，唔洗淨食蟹咁寡！除了任食大閘蟹外，帝玉庭更炮製出一系列極品單點蟹饌，當中有蟹粉百花煎釀帶子、蟹粉小籠包及蟹粉玉貴妃等等，想單點嘅朋友都有得揀呀！

帝玉庭滋味「蟹」逅

地址：香港沙田白鶴汀街八號帝都酒店一樓及二樓（顯示地圖）
訂座電話： 2694 3939
供應日期： 2015年9月20日至11月15日(9月26至28日除外)
供應時間：晚市 (6:00pm – 11:00pm)
價目：任食套餐星期一至五HK$398 / 星期六、日及公眾假期HK$428 ; 單點蟹饌 HK$88起

下頁續 : 帝京軒蟹皇美饌宴

帝京軒 $628豪食蟹皇宴

唔想任食，想食個蟹宴嘅話，可以去帝京酒店帝京軒試下「蟹皇美饌宴」、「品味蟹美饌」同「秋色蟹粉美饌」。「蟹皇美饌宴」，每位港幣$628，每個人都能吃到兩隻新鮮太湖大閘蟹，每隻約重四兩半，除咗大閘蟹之外，仲有翡翠蟹粉皇帝蟹腳、金箔蟹粉珍寶虎蝦皇同原隻鮑魚蟹粉豆腐盒，全部由大廚烹飪，六百蚊都抵！

帝京酒店帝京軒

地址：九龍太子道西一九三號帝京酒店三樓（顯示地圖）
訂座電話：2622 6161
供應日期: 2015年10月1日至11月15日
營業時間﹕7:30am – 3:00pm ; 6:00pm – 11:00pm
價目: 蟹皇美饌宴 (每位港幣$628)

逸東軒 $588 每位三隻大閘蟹

想一個食曬三隻大閘蟹「逸東軒黃金大閘蟹宴」就啱曬你！逸東軒蟹宴的焦點就是每位有三隻清蒸太湖足四両大閘蟹，而淨底果一隻半大閘蟹就會將佢拆開，煮成各款蟹粉菜式。蟹宴開胃前菜分別有太白醉雞卷、明爐燒腩肉及蟹粉小籠包，然後再有蟹粉冬茸燴燕窩，鮮沙薑陳皮生煎雞，蕃茄肉碎浸時蔬及黑松露蟹粉稻庭烏冬，最後仲有薑茶湯圓，完整度十分滿分！

逸東軒

地址: 九龍彌敦道380號香港逸東酒店低層二樓（顯示地圖）/
灣仔港灣道23號鷹君中心二樓（顯示地圖）
查詢及訂座電話: 2710 1093 / 2878 1212
供應日期: 2015年9月28日至11月30日
供應時間: 星期一至六 11:00am – 4:00pm; 6:00pm – 11:00pm 星期日及公眾假期 10:00am – 4:00pm; 6:00pm – 11:00pm / 星期一至六 11:00am – 11:00pm 星期日及公眾假期 10:00am – 11:00pm

價目: 每位HK$588 (兩位起)