神石燒將軍澳再開分店！Rubberband阿偉主理 $50優惠食石燒牛午餐＋$10追加澳洲M8黑毛和牛｜區區搵食
廣告
神石燒きビーフステーキ專門店是由Rubberband阿偉及2位合伙人主理，出名平食石燒牛扒，開業2年多已經開至5間分店，間間都大排長龍超受歡迎！近日更推出周年限定優惠，午市最平$50就食到石燒牛之餘，更有一系列超抵追加優惠，最正莫過於$10追加澳洲M8黑毛和牛，即睇仲有咩食啦！
撰文：艾菲｜圖片來源：新假期編輯部、神石燒
神石燒將軍澳再開分店 2年開5間！石燒牛版圖極速擴充
神石燒きビーフステーキ是由Rubberband成員阿偉及2位合伙人主理，於2019年油麻地開業後，2年內一共開了5間分店！最近於將軍澳東海城插旗，開業不足3個月每日都坐滿座！神石燒出名親民價石燒牛，主要供應多款牛扒、豚肉及海鮮等，價錢由$50-$250都有！肉類會用上喜馬拉雅山食用的粉紅岩鹽板燒至一成熟，再放在400度高溫的火山岩石板呈上，食客可以按喜愛調節生熟程度，自由度十分高。
午餐石燒牛最平$50＋白飯任裝＋沙律吧放題
神石燒2年間開到成行成市，每間分店都大排長龍，其中必有原因！最值得讚賞的午市套餐真是物美價廉，最低$50就有交易，可以食到美國安格斯牛膈肌漢堡扒加沙津、白飯、麵豉湯任裝，安格斯漢堡扒足足成200g，份量豐盛，鮮嫩焦香。想食好一點，可以選擇$89的匈牙利鴨肝拼神石美國極級天然牛扒，牛扒油花分佈細密，加上鴨肝油潤的口感，兩者一同放入口的味道非常過癮。除此之外，更有多款靚牛推薦，包括澳洲M8黑毛和牛西冷、美國極級安格斯三重奏等，通通不超過$130﹐難怪如此受歡迎！
份量超足，石板燒過後香口誘人。（圖片來源：神石燒）
9款扒類中價錢最相宜，雖肉質偏薄，但因油花分布夠綿密。（圖片來源：新假期編輯部）
加多$20就有鴨肝，兩者一同入口非常滿足！（圖片來源：神石燒）
肉質厚身，柔軟多汁！（圖片來源：神石燒）
包括牛膈肌、牛頸脊及漢堡扒（圖片來源：神石燒）
$10追加澳洲M8黑毛和牛限量50份！另推多款海鮮
現在神石燒推出周年優惠限定，由即日起至8月底，每個主食都可以$10超值價追加澳洲M8黑毛和牛一份，薄切的和牛軟綿，入口溶化，而且$10就有多件真是抵到爛！此外，餐廳更有多項追加款式，包括日本鹿兒島A5和牛肉眼、日本秋刀魚、赤蝦、北海道帶子及日本廣島蠔等，海鮮都可以石燒啦！
松葉蟹膏香濃帶點炭焦味（圖片來源：神石燒）
秋刀魚追加是人氣之選！（圖片來源：神石燒）
包括日本赤蝦2隻、北海道帶子1隻及日本廣島蠔1隻（圖片來源：神石燒）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
