皇牌湯底啖啖都係膠原蛋白牛迷沾麵＋低卡蕎麥麵＋人氣拉麵＋自家製叉燒！

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Jun 21 2019

（Presented by 鶴亀）

日本拉麵相信無人不愛，但每到盛夏總係想食得透心涼啲，所以沾麵同蕎麥麵喺呢個季節就變得好受歡迎！一年幾前喺尖沙咀開業嘅「鶴亀」，正係近期由拉麵、沾麵、蕎麥麵，以至湯底都做得幾出色嘅本地代表，亦因此入選「必吃食店大獎 2019—最回味食府金獎」！

足料膠原蛋白湯底

假如大家有試過「鶴亀」嘅拉麵，就必定會愛上佢哋嘅皇牌白湯湯底！每日用大量豬骨、豬筒骨、雞肉、雞骨、雞腳，加上少量新鮮蔬菜，足料熬煮8小時後，再溫焗一晚（約12小時），等湯底完全吸收食材嘅味道同精華，然後再喺翌日加熱，攪碎湯料，經三重網過濾好所有骨渣，變成入口順滑滋潤、味道極度鮮甜，每啖都滿載豐富膠原蛋白嘅皇牌湯底！好多客人試食過後，都會為咗呢個既好味養顏又性價比高嘅湯底而重覆光顧。

皇牌湯底由熬煮8小時、溫焗12小時，再到攪碎湯料，經反覆3次過濾至極幼滑口感，每個步驟都花盡時間和心思。

牛迷必食：慢煮安格斯牛沾麵

雖然沾麵係拉麵嘅一種，但就因為冷麵熱湯、湯味更濃郁嘅關係，而成為日本其中一種最具代表性嘅美食。而小店近日就推出咗幾款新口味麵食，包括專為牛迷度身設計嘅「黑松露慢煮安格斯牛沾麵」！每份都有150克美國特選 CHOICE安格斯牛，份量十足。由於油花較少、肉質柔潤，配合太麵（粗麵）沾湯嚟食，亦唔會令人覺得太濃或太膩。利用55度低溫慢煮2.5小時後，再以明火將外皮輕炙至少許焦香，營造出外脆內腍嘅雙重口感。呢款沾醬用咗皇牌湯底，加入矜貴黑松露增香，仲有大大粒北海道帆立貝佐食，算得上係豪氣之選！

黑松露慢煮安格斯牛沾麵（150克） 8。選用美國特選CHOICE安格斯牛，即使配合較濃味嘅沾湯食用，亦唔會有一絲油膩感，而沾湯仲特別加入松露嚟增添獨特風味。 — 黑松露慢煮安格斯牛沾麵（150克） $188。選用美國特選CHOICE安格斯牛，即使配合較濃味嘅沾湯食用，亦唔會有一絲油膩感，而沾湯仲特別加入松露嚟增添獨特風味。

惹味有營：柚子三文魚扒沾醬麵

同樣係冷麵熱湯嘅新口味推介，仲有用咗成塊炙燒三文魚扒，配以皇牌湯底、柚子醬油調製嘅沾醬麵。三文魚扒煎香後香氣馥郁、魚肉甘香豐腴，配合富有柚子清新酸甜香味嘅沾湯食用，令人胃口大開！三文魚本身含有豐富Omega 3，又係瘦身同健身時期都建議食用嘅超級食物，絕對唔駛吓吓計住熱量就住食用。自問對拉麵不離不棄嘅你，可以點叫番長期大熱嘅海老帆立貝拉麵，同樣有皇牌湯底、虎蝦、櫻花蝦，同埋自家製叉燒嘅加持！

柚子炙燒三文魚沾麵（8）。三文魚有營味美，適合任何人士食用。三文魚扒經煎香後，油魚香氣四溢，配以清新柚子味沾醬平衡味道，適合夏日食用。 — 柚子炙燒三文魚沾麵（$138）。三文魚有營味美，適合任何人士食用。三文魚扒經煎香後，油魚香氣四溢，配以清新柚子味沾醬平衡味道，適合夏日食用。

海老帆立貝拉麵（8）。皇牌湯底加入北海道3S級帆立貝、虎蝦等貝殼類海鮮後，風味更佳！大大片自家製叉燒，為味蕾賦予錦上添花嘅效果。 — 海老帆立貝拉麵（$158）。皇牌湯底加入北海道3S級帆立貝、虎蝦等貝殼類海鮮後，風味更佳！大大片自家製叉燒，為味蕾賦予錦上添花嘅效果。

夏日推介：柚子蕎麥麵配野菜天婦羅

天婦羅蕎麥麵被喻為日本女生夏季至愛嘅麵食首選！一份蕎麥麵熱量少於 400卡，高纖低卡之餘，仲有甘香麥味，更含維他命B群同蘆丁，幫忙提升活力、抗氧化同維持心血管健康。今次特別配以新鮮蔬菜天婦羅，既提供到足夠膳食纖維，又滿足到想食香口嘢嘅樂趣。配以清新柚子鰹魚醬汁食用，更加突出每種時蔬本身嘅唔同鮮甜味道。