7大超浪漫白色情人節餐廳攻略 拍拖兼放閃！@Miss Sunny
好多男士以為可以安然渡過情人節？咁就錯啦！近年興起嘅「白色情人節」(3月14日) 都唔可以睇小！「白色情人節」源於日本，日本男仔會喺呢日回應返女仔嘅心意！今次就同大家推介喺棉登徑8號7間必去嘅浪漫餐廳，就算呢日唔會特別慶祝，都有個藉口同另一半拍吓拖食返餐好，打卡放閃！「白色情人節」當日個別餐廳仲會有特別優惠㗎！
海鮮控必吃！
「白色情人節」來自日本，日本菜又點少得？「黑門水產」每日都有來自日本黑門市場嘅地道美食，全部食材都係由日本新鮮空運直送，一定要食佢哋獨家首創赤鬼蟹味噌甲羅燒！蟹膏釀喺蟹蓋，蟹膏上面再加上鮮甜蟹肉，除咗有超濃郁嘅蟹膏，蟹肉仲好鮮甜，十分滋味！
黑門水產
地址：尖沙咀棉登徑8號地下3-4號舖
營業時間：星期一至日 11:30am-2:30pm、6pm-12am
電話：2327 0128、5198 0128
喺3月14日當日，凡每人惠顧滿$500（未加一前以菜單上價錢計算），可獲贈甜品一客（曲奇芭菲／抹茶芭菲，價值$68）$500 / 1客甜品，$1,000 / 2客甜品，如此類推。
味覺+視覺享受和牛他他
望落好似無咩特別？原來一打開個玻璃樽就有一陣煙飄出嚟，好浪漫呀！「牛魔」呢個蘋果木煙燻松露片和牛他他，除咗係影相呃like之選，松露加上和牛同埋雞蛋鮮味之餘，味道出奇地夾！完全係味覺同視覺嘅享受，點可以抗拒？！
由日本引入嘅「南亭」應該好多人都有聽聞，白色情人節同另一半去日本串燒居酒屋食住串燒飲清酒就最啱feel！「南亭」主張用天然湖鹽同自家製醬料調味，更凸顯新鮮食材嘅味道，再配上自家品牌嘅清酒，同honey邊食邊談心就最啱！
南亭
地址：尖沙咀棉登徑8號地下9號舖
營業時間：星期一至日 12nn-3pm、6pm-12am
電話：2736 2500
喺3月11日至3月17日期間，凡惠顧晚市即可享有85折優惠！
牛魔王見到流口水
嚟到「大阪燒肉」你會見到大得驚人日本鹿兒島和牛A4級肉眼位置嘅牛小排（只限預約），肉眼部分嘅脂肪比例平均，有如雪花般分佈，肉質嫩口之餘，燒烤時帶有陣陣油香，同另一半你一啖我一啖，好sweet呀！
除咗日本菜，如果另一半鍾意烚烚下嘅話，就一定要食「養心殿台式養生鍋」呢個美人鍋，入面有養顏嘅桃膠、原隻烏雞、南棗、杞子、金華火腿，熬足四個鐘，飲完皮膚靚靚，女朋友一定錫晒你！
每次去日本都一定食嘅「天然豚骨拉麵專門店 一蘭」，以「味集中Counter」聞名，而棉登徑8號呢間就係全港最大，設有首度登陸香港嘅「一蘭屋台」，可以同Honey一齊感受九州拉麵風味！鍾意食拉麵嘅一定心心眼！
情人節都係想食西餐至應節？棉登徑8號一樣有！淨係見到「Maison Eric Kayser」呢個紅莓開心果撻外形已經夠殺食，selfie呃like無難度！加上鬆脆嘅撻皮，陣陣嘅杏仁香同埋開心果香，配合紅莓酸中帶一點甜，sweet爆！
Maison Eric Kayser
地址：尖沙咀棉登徑8號地下1-2號舖
營業時間：星期一至五 7am-8:30pm、星期六至日及公眾假期 7:30am-8:30pm
電話：2869 6122
仲唔快啲揀返間啱心水餐廳同honey一齊共渡浪漫嘅「白色情人節」？
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
