申子居酒屋 踩入銅鑼灣開第二分店 Error肥仔＋王宗堯都撐場 歎足料丼飯＋爆芝吉列豚肉卷＋獅子山下打卡位｜區區搵食
廣告
申子居酒屋由旺角黑布街發圍，憑著抵食的丼飯及日本菜而俘虜港人胃口，就連人氣急升的Error組合隊長——肥仔跟男神王宗堯都曾撐場。最近店子更踩入銅鑼灣開第二分店，同樣供應高質日本菜，入內文睇地址啦！
撰文：Rice｜圖片來源：新假期編輯部、申子居酒屋
申子居酒屋踩入銅鑼灣開分店！
在旺角鬧市中，大街小巷都是美食天堂，話題食店亦愈開愈多。而位於黑布街的申子居酒屋，一聽店名便知主打日本菜，不問不知，原來主廚曾於日本居酒屋學師，且餐廳不少食材都由日本直送，當中的日式燒物、丼飯、清酒都保留著濃濃和風味道，吸引不少食客幫襯，經常Full Booking，就連Error的肥仔及男神王宗堯都力撐！餐廳6月中踩入銅鑼灣開分店，新店更特意設計上一幅獅子山下的打卡位，令不少食客大讚「好靚呀好靚呀好靚呀好靚呀好靚呀！」
澎湃魚生丼＋雲朵丼飯
銅鑼灣新店，同樣主打日本丼。午市套餐供應11款，想吃肥美刺身的話，有魚生丼、吞拿丼、招牌申子三式丼，當中申子丼更可一次過歎齊海膽、拖羅蓉、三文魚子3款刺身，款款新鮮，軟滑肥嫩，材料超豐富。想來點熟食，就有原條蒲燒鰻魚玉子丼、網燒西冷牛扒丼、天婦羅丼等，啖啖肉，惹味香濃。
採用澳洲穀飼牛，煎至五成熟，肉質軟腍，拌上蛋汁味道更濃郁。（圖片來源：新假期編輯部）
招牌申子飯！米飯上放上蓬鬆蛋白及日本雞蛋，刺穿蛋黃，蛋汁流出，跟飯同吃，溫潤滋味。（圖片來源：新假期編輯部）
除了丼飯外，當然不少得港人愛吃的肥美壽司及居酒屋小吃。對炸物情有獨鍾的朋友，必試店子招牌小食吉列芝士千層豚肉卷，選用日本栗飼豚腩肉，將芝士釀入豚肉，再落鍋炸至酥脆，食落肉質嫩滑，中間夾著滿滿芝士餡，夾起即拉絲，勁邪惡！
豚肉炸得不會乾身，相當鬆脆，內層更有芝士作餡，味道濃郁。（圖片來源：新假期編輯部）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
