新蒲崗理想餅店 新推流心爆餡即炸冬甩！15款爆餡任揀 吉士／朱古力／肉桂蘋果＋煙韌麻糬卷蛋｜區區搵食
廣告
——理想餅店位於新蒲崗，是超人氣餅店，雖然街坊格局卻有酒店餅房出身的大廚兼老闆坐鎮，出品有水準保證！最近推出的即炸爆餡流心冬甩及麻糬卷蛋更爆紅熱賣，吸引不少甜品迷慕名而來，下午4pm已沽清！就連演員河國榮都前來幫襯，認真巴閉！
撰文：Rice
新蒲崗理想餅店 爆紅即炸冬甩！
位於新蒲崗的理想餅店雖然門面似足街坊小店，但原來大有來頭。其老闆之一更是酒店餅房出身，出品麵包超水準。而最近推出的Berliner即炸爆餡冬甩更於網上爆紅。即叫即炸，裹上砂糖再唧入吉士餡，口感飽滿柔軟，一咬爆餡，超滿足！冬甩一推即紅，吸引不少港人慕名幫襯，記者於上周六（ 26/3）直擊，只見店外排著長長人龍，炸冬甩於下午4pm已沽清，勁誇張。
炸冬甩15款口味：吉士／朱古力／肉桂蘋果
即炸冬甩定價$20，口味多樣夠特別。除了有香甜的原味、吉士、焦糖外，更有可可味香濃的黑朱古力、口感豐富的金莎朱古力、回甘的綠茶、清幽的伯爵茶、酸咪的檸檬蛋黃醬、地道的奶醬、開胃的士多啤梨醬、清甜的肉桂蘋果等，款式多多。若然喜愛吃麻糬，更可加$7另加粒粒麻糬，更煙韌好吃。
煙韌QQ麻糬卷蛋 超過10款口味
除了冬甩熱賣外，其麻糬卷蛋亦是招牌，同樣由另一位五星酒店甜品部出身的老闆主理。卷蛋輕盈綿密，質地細膩且富蛋香，鬆軟濕潤。而內裏忌廉餡口味多多，有原味、朱古力、綠茶紅豆、花生麻糬、伯爵茶、芋頭、鐵觀音等，最近更新推阿華田脆脆，夾著超濃米香的煙韌麻糬，豐富口感。
- 餐廳：理想餅店
- 地址：新蒲崗康強街32-34號康強洋樓A座地下7號鋪
- 電話：2772 1328
- 營業時間：星期一至日 6：30am-8:30pm
- Facebook專頁：理想餅店 Lily’s Bakery
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部、Instagram@msfoodloverr、理想餅店、河國榮、Instagram@drink6cha
