【 新年開運 】麥玲玲教路：狗年開運攻略 新年必食白魚 ＠Dining娜

Photo：二筒

新正頭咩都要講意頭，從飲食入手可以開運！唔好以為只有中國人先會迷信「年年有魚（餘）」，原來日本民間都相傳水產有趨吉避凶嘅效果，所以日本人喺新年會食油甘魚、鯛魚、帆立貝，幫助催運。香港好多間壽司店嘅魚類、水產都係由日本直送，今次JFOODO（The Japan Food Product Overseas Promotion Center）就同麥玲玲師傅合作，教大家 新年開運 「狗年風水魚生攻略」，究竟咩生肖今年犯太歲？12個生肖分別適合食邊款水產會對健康運好？今年12個生肖會有咩問題？師傅依家即刻解答！

麥玲玲狗年開運攻略：食白魚 健康好意頭

狗年好快到，個個都擔心自己會唔會犯太歲，見到麥玲玲師傅，梗係請教下啦，「今年有5個生肖犯太歲，包括狗、龍、羊、牛、雞，特別要注意健康。」佢仲話，健康同飲食息息相關，食白魚對健康同心臟都有好處，而且白魚嘅脂肪含量比紅魚少，多食都唔怕。

日本開運傳統 必食好意頭水產

日本人同中國人一樣，新年都好講意頭，JFOODO副總監小野村拓志先生就同大家講下油甘魚、鯛魚、帆立貝嘅好意頭含意！

麥玲玲師傅就講下各個生肖嘅運程，同埋食咩水產可以提升健康運！

【油甘魚】

別名有「出世魚」之稱，當魚逐漸長大時，佢個名都會有所唔同，好似「步步高升」咁，亦有成功、幸運之意。冬季出產嘅油甘魚，更加肥美鮮甜。
進食可增強健康運嘅生肖：鼠、牛、羊、豬

狗年運程
肖鼠：健康運無大礙，但要留意今年壓力比較大，容易影響睡眠質素。
肖牛：今年有較多小病小痛，要注意消化系統毛病，尤其是出門時要注意飲食。
肖羊：較多瑣碎小毛病，例如腸胃不適或皮膚敏感，亦容易失眠或跌倒扭傷，日常要注意安全。
肖豬：情緒穩定、心情開朗，應酬聚會頻繁，所以要留意飲食及生活習慣；可能有喜事臨門、容易懷孕。

【鯛魚】

每逢節慶食鯛魚，係日本人嘅傳統習俗，相傳鯛魚代表豐收之神，因為惠比壽手執一條鯛魚現身，自此鯛魚就成為幸運之魚。冬天嘅鯛魚油脂分佈細密，口感鮮爽細膩。
進食可增強健康運嘅生肖：龍、馬、雞、兔

狗年運程
肖龍：稍加留意心臟、血壓、腸胃、消化系統等問題，容易胡思亂想、脾氣變得暴躁。
肖馬：易因工作忙碌而有壓力，今年也容易容易受傷，宜避免參加高危活動。
肖雞：易因工作環境、人事糾紛而有壓力，建議多接觸大自然放鬆心情，亦有助改善睡眠質素。
肖兔：注意控制體重，提防心臟、血壓、膽固醇等慢性疾病，多接觸大自然有助減壓。

【帆立貝】

扇貝喺日文寫作「帆立」，因為佢嘅形狀同帆船嘅帆相似，有如帆船乘風啟航、乘風破浪嘅意思，寓意一帆風順。冬天食帆立貝，加倍肉嫩甜美。

進食可增強健康運嘅生肖：狗、虎、蛇、猴

狗年運程
肖狗：身體較多小毛病，家宅運稍弱，要留心長輩健康。
肖虎：健康運上升，只係工作壓力大，易有睡眠問題，宜多接觸大自然或做減壓運動。
肖蛇：整體健康運無大礙，易因應酬頻繁而影響作息，日常要更注意放鬆身心。
肖猴：整體健康不俗，奔波之餘個人壓力亦較大，多調整心態，注意作息。