【出街搵食】人情味懷舊大牌檔！隱藏街巿 罕見瓦煲奶茶 芳香順喉 傳至第二代 |牛頭角中菜|
廣告
牛頭角街巿熟食中心是80年代產物，有種舊式大牌檔味道，天花大風扇、粉紅色牆磚階磚，十分懷舊。躲在一角的北記，是不少牛下老街坊歎西茶的秘點，皆因這裡有碩果僅存的瓦煲奶茶。
半世紀皆用瓦煲沖茶
「 我哋無乜特別，最特別就係呢個瓦煲，而家好少人用。」老闆李先生自小跟爸爸在茶檔工 作。「 68年就開，嗰陣在牛下8座樓梯口，咁多年都係用瓦煲沖茶。」瓦煲不耐用，幾乎一兩年就要換一次，不少茶記怕麻煩都用不鏽鋼就算。
茶香濃郁 入口順滑
但瓦煲傳熱、散熱慢，保溫程度高，又不怕茶會泡得過火，所以奶茶入口，帶香味得來沒有苦澀，味道溫文不霸道，婆婆公公飲，也不會太濃。「好多老人家日日都來飲，最老一位90歲了。」
或許都是街坊鄰里，坐在這裡，茶客都似乎沒有隔膜，相識與不相識的都會搭訕閒聊，這不是街坊人情是什麼?
北記咖啡奶茶
地址:牛頭角道183號牛頭角街市熟食中心1樓 電話:從缺
營業時間:6am-3pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
