大埔基哥一品清湯腩 盆菜老字號賣牛腩粉麵＋火鍋｜區區搵食
廣告
大埔粉麵店林立，要在區內突圍而出就要花點新意，最近又有一間粉麵店插旗，父子檔拍住上，爸爸是區內著名老字號忠誠盆菜老闆，今次開清湯腩店，同樣功架十足，除了有清甜軟腍的牛腩外，竟然大玩二人份清湯腩火鍋，清香惹味，店內更提供脆皮豬手、咖喱牛腩飯，令客人食指大動！
撰文：譚偉健 攝影：Woody
大埔老字號盆菜店老闆
曾推車仔賣清湯牛腩
基哥是老字號忠誠盆菜老闆，今次特意和細仔二人開設清湯腩店，除了希望細仔跟他學做生意外，同時對清湯腩都有一點情意結。原來早在八十年代，忠誠盆菜還未出現時，基哥已夥拍朋友在太和一帶推車仔賣清湯腩粉麵。後來他開始做盆菜，清湯腩變成私房出品，只在私房舖裏供應，只是吃過的朋友都讚不絕口，讓基哥一直深感自豪。
清、鮮、爽、甜！
清湯腩配方：5斤肉＋2斤骨煮湯
店內的清湯腩配方，和其他名店有點不同，不用新鮮腩，反而用冰鮮美國牛腩。老闆認為美國牛腩一樣有牛味，只要湯頭香料火路配合到，一樣好食，他很坦言沒有所謂的秘方，食材都是十磅湯，五斤肉、兩斤骨，再配甘草、桂皮、八角、胡椒等等香料，另有新疆紅棗、花膠、螺頭和牛骨熬製，做到清、鮮、爽、甜的湯底。
清湯牛腩又炆又焗 軟腍入味
老闆每天一早就會入廚房，試湯頭和檢查牛腩品質，一發現問題，就即刻調校，確定出品沒問題才放心。基哥想牛腩炆至軟腍入味，肉骨斤両要秤到剛剛好，最緊要記得凍水落牛腩，落冰糖汶，牛肉入面的蛋白質不會崩緊，滾起收中火，中火炆個半鐘，熄火再焗半個鐘，就會炆得鬆軟入味，令客人食得津津有味。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
