【自助餐放蛇起底組】$168再8折任食火鍋!!! 本地手切新鮮牛肉

撰文、攝影: 新假期飲食組

鴛鴦鍋不另收費　任食手切牛肉眼片＋黑柏葉

火鍋共有兩個套餐，套餐A收費$168，供應的牛肉有鮮牛肉眼片，另外任食新鮮黑柏葉、農家鮮雞片及黑毛豬肉片及廿多款火鍋配料，而另一個貴少少的套餐B收費$258，另外更可任食鮮切嫩肥牛。湯底共有4款湯底可選擇，分別是牛骨、澳門豬骨、四川麻辣和鮮奶芝士鍋，可選鴛鴦鍋，不用另外加錢。

今次選了鴛鴦鍋，牛骨湯底甘甘甜甜，好香牛味；而芝士鮮奶鍋有芝士片在內慢慢融掉，但芝士和奶味均不太濃郁。

鮮牛肉眼片一碟份量頗多，偏瘦，雖然有咬口但牛味不太濃，而且味道好像白粥瘦肉裡的瘦肉，如果你是追求啖啖脂肪的食肉獸，這款一定不合你胃口。

豬肉片食落有口感，不會似食紙片，雖然豬肉味不太出，但勝在頗滑溜。

雖然店家在落單介紹時說過雞片浸多久也不會影響口感，但其實雞片食時質感好奇怪，肉質鬆散，不太討好。

好少火鍋店有任食黑柏葉，但它非常韌，咬了很久都未能吞下，兼且有陣怪味，小編覺得似放了在鞋底好久的香口膠(請自行想像味道如何~)。

火鍋配料選擇偏少 汽水啤酒任飲

其他火鍋配料有廿多款選擇，大路款式，略嫌選擇太少，都是丸類、蔬菜和麵類等。比較特別的有手打牛丸及流心豬肉丸，不過試過後雖然手打牛肉丸頗彈牙，Juicy及有牛味外，但都不似手打丸的口感。而流心豬肉丸入面的是豬肉碎，豬肉味頗濃郁，食得過。

另外飲品任飲，有汽水、紙包飲品及啤酒。環境闊落，有冷氣有電視睇，而服務方面亦OK，店員有主動過來加湯及收碟，非常有禮貌。

總結：火鍋選擇偏少，而主打的牛肉味道方面又不是太驚喜，而其他食物味道均需改進，但小編放蛇當日是平日，8時過後都只得4-5枱客人，頗為清靜，所以至少比酒樓好坐及舒適。8折後一人實收$151，食完兩小時後雖然已不能再叫食物，但都不會趕你走，而小編試過出去拿飲品亦沒有店員阻止。所以如果你只志在有食物落肚，又可以有啤酒狂飲，有個寛敞舒適的位置聊天，這裡都是一個不錯的選擇。

總分：4/10

牛王頭鮮牛肉火鍋放題

地址: 旺角彌敦道594-596號旺角新城17樓(顯示地圖)
電話：2764 4828
鮮牛肉放鍋放題供應時間: 5:30pm-3am
收費: 成人:$168、小童:$128
用餐時間:入座時間起計120分鐘
備註: 收加一，新開張有8折優惠，營業時間常有變動，建議致電查詢