元朗發現黑心牛油果！合益街巿賣爛貨 水果檔主教你分辨飛機貨｜網上熱話

撰文：新假期飲食組 圖片：食在元朗、受訪者提供

元朗合益街市買牛油果 $20/4個全爛

最近多名「食在元朗」谷友指於街市買牛油果，指外表看不出，回家後切開才發現牛油果已腐爛變黑，完全不能食用。有網民更指，生果檔檔主聲稱生果日日新鮮飛機到港，但依然中招！

網友指$20/4個，4個全壞，質疑部分牛油果的蒂已變黑但店主還照賣。

不過，大部分認為「平野冇好」，加上牛油果易中伏。

但原來另一名谷友買$35/3隻牛油果也一樣出事，該檔主更稱檔內水果都是每天新鮮到港。

原文輯錄:
前晚買咗$35/3隻牛油果諗住整牛油果軟殼蟹卷，
個生果檔老細仲同我講話佢哋啲生果日日新鮮飛機到港！
返到嚟切開第一隻已經嬲！
切開晒三隻都係爛嘅仲嬲！
到底我而家應該拎住啲圖片返去叫佢退錢，
定係要喺呢度開佢名會比較好呢
但係我覺得佢退翻錢俾我都彌補唔到我心靈上嘅傷害
大家可以想像一下軟殼蟹卷入邊剩係得軟殼蟹

牛油果切開變黑 原因解構！

牛油果表面完好無缺，但切開變黑的情況經常出現，早前黃大仙大成街街巿林記水果檔主林先生，就曾出過帖文，跟大家分享牛油果出現黑絲、黑肉的原因：

1.船運 VS 空運

根據黃大仙大成街街市林記水果檔主林先生的Facebook帖文，由於牛油果產地多為墨西哥、智利、厄瓜多爾等中南美洲國家，運輸到海外的成本頗高。故此不少商家寧願慳成本用船運，而大部分船運水果，都經過急凍程序，水果經急凍後，內裡的生命力、新鮮度就會減弱，亦稱為「死肉水果」。保存期一般只有2-3日，只要內裡的急凍雪水融化散去，牛油果就會開始腐爛，切開就會出現黑肉、黑絲。

林先生的牛油果帖文一出，不少網民均留言表示曾經在其他水果店買牛油果中伏。

林生亦在文中透露，採用船運的牛油果，最少會有50%機會出現黑肉腐爛的情況，若果熟透而切開無壞，絕對純屬好運。

而另一個成本較高的方法，就是空運了。正如很多日本水果一樣，搭飛機運送的水果，一般都會於機內雪房冷藏保鮮，加上空運快，冷藏的水果也不會「雪壞」，行內人又稱為「活水果」，即是依然有生命力，會自然變至可食用的完熟狀態。保存期可長至一星期，就算全個牛油果由綠皮變黑皮，切開亦不會極速氧化、甚至變壞變黑。

2.定價

話明飛機空運成本貴，牛油果的品質和價錢絕對成正比。林先生就在貼文公開，飛機空運的牛油果，每隻的成本是$10或以上，定價自然較高，大約每個$12-$17元。但同時也衍生出「去貨慢」的問題，因為價錢貴，客人自然卻步，店家賺的利錢少，貨又囤積，甚至等到水果變壞都賣唔晒，成本也賠掉，風險極大。

相反船運的牛油果，成本低，商家可定價為$20元4-5隻，作為客人心理就會覺得抵買，甚至覺得買到壞果，浪費的都是幾蚊幾毫，無咁肉痛。去貨快，薄利多銷，所以市面上絕大部分牛油果都是船運貨，只有大型超市、小部分水果店或果欄欄商才會引入空運的牛油果。所以一分公一分貨，以後想吃到無黑肉、高質的靚牛油果，記住要識睇價錢！

林先生亦於文中坦言，以往父親擺檔，賣的都是船運牛油果，雖然去貨快，卻不停收到客人投訴，說牛油果變黑。後來決定引入飛機貨牛油果，客人大感滿意，但同時因為價錢貴，銷情不算理想，有時也令他覺得心灰意冷。其實，與其買平價牛油果，切開變黑，不如嘗試一分錢一分貨，支持有心的小店小檔呀。

林記水果

地址：黃大仙大成街街市S135-S136號檔（顯示地圖）
電話：2997 8220
營業時間：7am – 8pm

如何辦認完熟牛油果？

1.睇表皮

根據《Nutrition Diva’s Secrets for a Healthy Diet》作者表示，深綠色至紫棕色的外皮是成熟到最完全的顏色。如是青綠色，你至少還需要等待4至5日，稍稍為變黑，還有綠色的底，就表示1至2日的時間差不多。

2.輕輕按壓

另外可以用手輕輕按壓牛油果，如感覺到有微微軟熟而有彈性，絕非如按在牆上的死硬，也代表其狀態為接近完熟可食用。

3.果蒂

亦有網上流傳的方法，就是將牛油果頂端的果蒂揭開，如果呈深綠色，代表狀態完熟，接近可食用；但如果是青色，則代表仍未熟透可食；如果蒂為棕色就代表已經過熟了。

牛油果保鮮方法

雖說空運的牛油果品質較優，但牛油果切開後擺放太久，同樣會有氧化的情況出現。如果牛油果只吃一半，想貯存保鮮，可以擠些檸檬汁或白醋、壽司醋在牛油果上，然後用保鮮紙包實，再放入雪櫃，這樣大約可保鮮2日左右。當然，新鮮水果最好就盡快食用吧！

食牛油果6大好處！

講完牛油果點樣揀，究竟這種Superfood有什麼益處功效？即刻數畀你睇！

1.減肥

牛油果熱量高，加上內裡的脂肪屬於單不飽和脂肪，有助增加飽肚感，不少人都愛用它來幫助減肥。不過1個200克的牛油果含320卡路里，建議吃半個已夠。

2.幫助清宿便！

現代人生活忙碌、飲食不定時，很多人少吃蔬果而缺乏纖維素，再加上運動量明顯不足的狀況下，腸道不能正常地發揮作用，大便會在腸道堆積，長期之下成為宿便 。體內堆積了宿便 ，腸內會因此產生毒素妨礙新陳代謝，使免疫機能低下，成為各種疾病的根源，隨時引發口臭、暗瘡、消化不良等的健康危機。

而牛油果就有豐富纖維含量，半個牛油果已經有成大碗烚菜的纖維量，有助排走便便！

3.皮膚保濕抗氧化！

肌膚時常乾燥繃緊、痕癢不適，甚至嚴重至浮現乾紋、脫皮，除了滋潤的護膚品，更要從源頭為肌膚保濕。有營養師指出，每日飲用6-8杯水其實並不足夠，因為肌膚還需要四大養分：維他命A、 C、 E及 Omega3，才能維持肌膚健康。

牛油果就包含大量維他命E，具有強力的抗氧化功效，能夠阻隔自由基對細胞的侵害，延緩肌膚老化。

4.增強抵抗力 幫助預防流感！

春夏時冷時熱的天氣，令人容易生病。唔想做藥煲，就要加強抵抗力。當中Omega-3可以增加白血球產量，幫助免疫系統對抗病菌。而且它是一種不飽和脂肪酸，幫助維持細胞膜健康，減低發炎機會，正好牛油果就蘊含豐富Omega-3了。

5.防脫髮！

正所謂「有頭髮，邊個想⋯⋯脫髮吖」，男女聽到都怕的脫髮問題，原來食牛油果可以有救！事關牛油果含有大量的脂肪酸，可加強頭髮韌度及光澤，最能「美髮」。而牛油果的維他命E更可促進血液循環，防止脫髮。

6.聰明啲！

成日畀人笑係「蠢豬」，俾腦細叫你「醒少少」？雖然先天條件IQ的因素幫唔到你，但食牛油果原來都可以令你醒目啲。它的維他命E可幫助預防自由基或其他外來因素破壞腦部細胞，有效令人醒少少。