父親節食飯好地方！啱晒唔同Style嘅爸爸！@Miss Sunny

父親節又到啦！大家諗好同爸爸去邊度食飯未先？未諗我就建議你快啲諗，未免俾機會爸爸話你母親節同阿媽食好西，父親節就好俹簁！我Miss Sunny最近搵到幾間唔同風格嘅餐廳，絕對可以滿足各類型嘅爸爸！

傳統爸爸＋大家族
如果你爸爸同屋企人比較傳統，或者家族成員比較多，大時大節食中菜就最適合不過，座位多，氣氛熱鬧，食物又有鑊氣！

1, 西苑酒家
利園一期西苑酒家一向係明星飯堂，唔少名人都係常客，今個父親節西苑酒家亦有推出8人餐，有齊前菜、主菜、飯類同甜品，最重要係有經典得獎名菜 – 大哥叉燒，肥瘦適中，微微燶邊，愈食愈開胃，仲有阿拉斯加蟹同老虎斑！8人餐、9個餸、1個炒飯、2款甜品都只需要HK$5,380！性價比極高！同場仲有4人餐，價錢只係HK$2,980！

地址：利園一期 5/F
電話：2882 2110

2, 譽宴．星海薈
位於利舞臺廣場譽宴．星海薈雖然同樣主打中菜，裝修同環境絕佳係無得輸，比一般中菜廳多咗份現代感！而今年父親節就推出適合6人或10人享用嘅龍蝦鮑魚宴，有本地龍蝦又有八頭鮑魚，仲送汽水或啤酒，價錢只係HK$1,998起。

地址：利舞臺廣場 5/F
電話：2811 9181

3, 翠亨邨
仲想睇多間？無問題！今次Miss Sunny介紹一間45年老字號 – 翠亨邨畀大家！位於利舞臺廣場嘅翠亨邨由米芝蓮星級大廚梁業遠師傅主理，食物質素絕對無問題！父親節6人餐有齊8道菜，包括潤肺養顏嘅原鼎杏汁燉白肺湯、較少見嘅大良炸鮮奶、清蒸原條沙巴躉等，只係HK$3,680起，就可以食到啦！

地址：利舞臺廣場 22/F
電話：2409 4822

4, 十里洋場
粵菜成日都食，有無其他中菜食下，滿足下爸爸？無問題！上海菜 – 利園二期嘅十里洋場就一定fit晒你啦！最近總廚仲推出全新初夏Menu，包括夏天最適合嘅涼拌手撕咸雞、開胃嘅酸菜春筍牛坑腩、惹味脆皮煙燻頂鴿等，啱晒想試新嘢嘅爸爸。

地址：利園二期 101
電話：2338 5500

新潮爸爸
如果你爸爸比較新潮，鍾意試下其他國家菜式，日本菜絕對係重點推介！

5, Ta-ke
利園二期嘅Ta-ke嘅壽司同鐵板燒一向受人歡迎，今個父親節推出多個驚喜優惠，每位HK$1,880起，包括父親節懷石料理套餐，有齊壽司、燒物、炸物、慢煮和牛，仲有父親節壽司廚師發辦，有前菜，6款刺身同9款手握壽司！去Ta-ke當時唔少得鐵板燒！Ta-ke嘅父親節鐵板料理套餐，有80G厚燒A5和牛、南非鮑魚、龍蝦、鵝肝，用料名貴，絕對係值回票價！想更盡興？只要加HK$800仲可以暢飲兩小時的Free flow champagne同sake，仲係買一送一，同爸爸飲下酒，傾下計就最好不過！

提埋大家，上述優惠只要提早預定就可以買一送一，絕對係非常超值，限時優惠只適合於2020年6月19-21日指定時段！

地址：利園二期 G01
電話：2577 0611

6, 權八居酒屋
咁耐無去日本，但又想回味下？去利園一期嘅權八就啱晒，以日本居酒屋做設計，氣氛一流，食物當然一樣無得彈啦，仲罕有地推出父親節限定套餐，只要HK$788就可以食到燒物套餐，有齊牛柳、海蝦、松葉蟹茶碗蒸等，食物以日本紀洲和歌山備長炭燒，微微炭香；亦可以HK$888食歎壽司套餐，食盡海膽、深海池魚、吞拿魚腩等壽司刺身，星期一至四仲可享會員買一送一優惠！（受相關條款及細則約束）