A4紙箱焗雞 超嫩滑! 就地取材3步輕鬆完成
廣告
天氣轉涼，又到了燒烤的季節。唔想次次都燒魚蛋、腸仔、牛扒？今次為大家介紹新玩意，以 A4紙箱焗雞 ，簡單易整，而且肉質超嫩滑，比起一般煮法更可口。立即教大家3個簡單步驟，便可焗出一隻5星級的雞，令整個BBQ即時升呢。
A4紙箱焗雞 3個步驟簡單完成
今次介紹的 A4紙箱焗雞，做法超簡單，而且所需材料亦不多，只要有A4紙盒、炭、錫紙、燒烤叉以及主角：雞！（冰鮮雞已可）
1. 預先把雞醃好
正所謂打邊爐最重要是爐，A4紙盒焗雞最重要當然是雞！如果想入味一點，建議可以預早把雞醃好，醃料方面就視乎閣下口味而定。
以燒烤叉撐起整隻雞，記得要以交叉方向撐開雞脾、雞翼位置。
2. 處理A4紙盒
以錫紙鋪好紙盒內部，紙盒以及盒蓋都要鋪上錫紙。記得要密鋪成個紙盒，否則便有機會令紙盒著火。
於紙盒的四角，各剪一個約3吋的開口，用作放置燒烤叉。
於A4紙盒的盒身刺出幾個小洞，讓空氣流通。
3. 焗雞！
把燒紅的炭放進A4紙盒內，記得要先把炭上的火弄熄，否則便會變成燒雞，而非焗雞了。
把燒烤叉卡在紙盒4角的坑內，穩定雞隻位置。
蓋上盒蓋後，計時30分鐘。
期間可以開盒1-2次，反轉雞隻，確保兩面均勻受熱。
30分鐘後，可以檢查雞隻是否熟透，熟透便可以「拆件」開餐了！以A4紙盒焗雞，由於受熱比較均勻，令肉質非常嫩滑，比起普通燒雞好味得多！
下次燒烤時，不妨多帶一個A4紙盒，再就地取材，30分鐘就可以品嚐到一隻超美味的焗雞，讓附近的人羨慕一下。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
