無限時任食海鮮@Dining娜
我Dining娜美貌與智慧並重，捐窿捐罅搵食，當然亦要抵食與質素兼備。一班烚下烚下老友最近報料，話佐敦嘅倫哥火鍋私房菜符合以上條件，OK！為食群組火速book枱幫襯～位位$268已食到鎮店招牌雞煲、鮮茄野菌花蛤蟹鍋打邊爐兩食，配料又多，係正喎！
餐廳由倫哥主理，入廚超過30年，每日堅持親自到街市買餸，嚴選時令新鮮靚材料先入貨，親自睇實啲質素，絕對有保證。材料亦係每日新鮮出，唔會留過夜。以我所知，這裡專心一意淨係做呢個雞煲x蟹鍋套餐，咁先精益求精。而家仲有6人同行1人免費呢個優惠，唔怪得近排入選埋「全港必吃食店選舉」啦！
用2斤半黃油雞加入倫哥秘製嘅雞醬同20幾種香料製成，濃而不膩又有燻香風味，好啱我哋香港人口味。
泰國肉蟹、花甲、粟米、煎香嘅番茄加埋薯仔等等材料熬製，即叫即煮，唔會加水翻煲，百分百食到原材料嘅新鮮清甜。
任食貴價海鮮配料
呢個雞煲x蟹鍋套餐，另外有6款招牌火鍋配料，包括誠意十足嘅超大海鮮拼盤、打邊爐必食嘅牛頸脊呢啲，指定配料仲可以無限追加，任你食，有唔少貴價海鮮同蔬菜㗎。而出面好多火鍋任食都會限時限刻，但倫哥最離譜係無限時！你可以食到收舖為止，超值回本度滿分呀！學倫哥話齋，大家食得開心、滿載而歸係呢度嘅大前題。
超大拼盤有齊蟶子王、鮑魚、沙井蠔、帶子等8款海鮮，可以無限追加龍躉片、蟶子、蠔、海蝦、脆肉鯇呢啲好嘢，海鮮迷一定回本。
倫哥火鍋私房菜
佐敦店：佐敦德興街4-6號地下（佐敦港鐵站E出口，顯示地圖）
太子店：太子柏樹街19號地下A舖（太子港鐵站D出口，顯示地圖）
觀塘店：觀塘鴻圖道76號聯運工業大廈3樓（觀塘港鐵站B1出口，顯示地圖）
薄扶林店：薄扶林道（香港大學港鐵站C1出口，顯示地圖）
所有分店訂座電話：6209 3572／5546 6499
營業時間：6pm至12mn／1am
收費：$268位（3位起，無限時任食海鮮火鍋）
優惠：6人同行，1人免費（優惠至2016年5月31日，薄扶林店星期一至日適用，其他分店則只適用於星期日至四，假期及其前夕除外。）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
