80’s 懷舊立食店 聽譚詠麟食 炸理滷味 |旺角食乜好|

採訪 : ruby　攝影 : Fion

炸理滷味 =脆口薄皮炸物!?

「 炸理滷味 」聽落似講粗口，其實是新開炸物和滷味店。招牌炸物有天婦羅和吉列兩款炸皮，前者炸前輕撲麵粉，炸皮薄得半透光；後者用上幼麵包糠，邊上粉邊輕拍，皮脆而薄，色澤金黃。當中最熱賣是炸理芝心海龍波波，以蝦膠加墨魚膠打成，內裡釀滿車打和Mozzarella 芝士，一切芝士湧出。加上店內提供近20款本地手工啤和生啤，配搭香口炸物最夾。

肉質結實的美國雞髀，以薑、葱醃過夜，炸皮脆而薄，肉汁盡鎖肉內。

乒乓波大小，外皮金黃，肉丸彈牙有鮮味，咬開香濃車打芝士湧出，還可拉絲。

香脆炸皮有微鹹香，一咬菇汁流出。

秘製香甜滷水汁

招牌滷味，滷水汁以傳統滷水底，加入瑞士汁調味，甜香隱約有微微花椒香。特別推介溫泉玉子滷肉飯，肉碎半肥瘦，拌上流心蛋，送飯一流。

每日自家燜煮，半肥瘦豬肉微甜有咬口，配半熟流心蛋，口感更Creamy。

軟腍肥美，滷水汁入味，富花椒八角香。

餐廳以立食為主，一室八十年代氣氛，彩地磚、80’s 唱片封套，播著懷舊粵語流行曲，來懷一個舊也不錯。

炸理滷味

地址：旺角砵蘭街147號祥興樓地下A舖 (顯示地圖)

電話:2788 2300
營業時間：星期日至四2:30pm-11:30pm；星期五、六1:30pm-12:30am

備註：不設加一，平均消費 $80/位