【回憶延續】星級人氣火鍋雞煲私房菜＠Dining娜

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Feb 16 2017

(Presented by新南苑)

相信很多「觀塘友」曾經喺仁愛圍嘅大牌檔幫襯過，吃貨Dining娜亦經常喺嗰度搵食。仲記得未重建之前，每當夜晚，仁愛圍都非常熱鬧，燈火通明，晚飯、消夜選擇多：小菜、打邊爐、打冷、煲仔飯、雲吞麵……其中一連佔6個舖位嘅新南苑由90年代起家，佢哋嘅打冷、鑊氣小炒都深深吸引住區內食客，越做越旺，更成為「觀塘友」嘅滋味回憶。

觀塘重建，新南苑轉戰到牛頭角熟食市場，再去到旺角以火鍋雞煲私房菜為主題開店，將大家嘅兒時回憶延續，再發揚光大。新店同以前最大分別係，依家專注只做海鮮火鍋同蒸鍋套餐嘅預訂私房菜，用嘅都係新鮮靚料，不時仲有藝員明星專程嚟幫襯。呢度有VIP房，私隱度高，同班friends嚟呢度烚下烚下可以慢慢傾。

零味精自家製火鍋湯底

我Dining娜最追求係食材嘅真鮮味，我好欣賞新南苑嘅火鍋湯底全部都用新鮮食材，堅持不加味精。例如1鍋看似簡單嘅新鮮蟹鍋花蛤湯底，除咗用原隻大蟹同花蛤之外，仲落咗番茄、薯仔、蘿蔔、馬蹄、粟米、秀珍菇大量配料熬製，鮮甜度十足，最重要係食到海鮮同食材嘅原汁原味，我班嘴刁朋友都話湯底唔會越飲越渴，感覺好似飲緊媽媽煲嘅自家靚湯咁！識食嘅梗係先飲零味精靚湯，然後先打邊爐啦！

必食頂級生猛海鮮

新南苑嘅私房菜實行半放題套餐形式，有傳統打邊爐，亦有蒸汽火鍋，以新鮮海鮮馳名。店主透露，做私房菜嘅其中1個原因係，佢哋有柯打先訂貨，當日新鮮運到，生猛海鮮、新鮮靚牛固之然係即日送到，連蔬菜等其他火鍋配料都係每日新鮮送到，令人佩服。
私房套餐每位$258起，部分配料可免費追加，包括貴價嘅龍躉片、脆鯇片、蝦等上乘海鮮，仲有豚肉、蔬菜同多種配料，CP值高。