漁市場感覺！觀塘人最愛的海鮮魚生丼＠食界許Sir三點三
廣告
介紹之前，許Sir先戴定頭盔，今次介紹嘅店家唔係新店，而係許Sir三點三仲成日蛇王去食嘅魚生丼。最近在網上群組熱烈討論起來，講緊嘅係位於觀塘大型日本連鎖超市嘅呢家魚生丼店家 ─ 勝手丼。由2014年10月開始，店家就隨日本超市進駐觀塘，位於超市一角的熟食區域，基本上每逢Lunch和放工時間，都會見人潮集中在這一小角的「漁市場」，為的就是這 $13起就食到的海鮮魚生丼！
勝手丼係咩嚟：店家賣的是勝手丼，有到過日本北海道的老市場 ─ 和商市場的朋友必定見過，勝手丼簡單來說就是海鮮刺身飯的DIY版，玩法是先買一碗白飯，然後在勝手丼攤檔購買每碟一小份量的各式刺身，最特別嘅係你整個丼的刺身都可在市場中不同攤檔best pick隨你選，價錢當然逐份計啦！
介紹完勝手丼的由來，香港的又如何，許Sir話你知都一樣係幾有趣同抵食，魚生配料最平 $3有交易，醋飯分大小兩款，刺身份量雖然與和商市場的份量一樣咁小，但刺身算厚，最平$13起跳，朋友情侶叫多幾款刺身的話也可以開心share，未食過的朋友值得一試！
勝手丼＠一田超巿
地址：觀塘apm LG
查詢電話：3955 1818
營業時間：10am-10pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
