滬菜 新分店｜6款必食經典滬菜 @Dining娜

（presented by 南小館）

一入到去簡直眼前一亮，設計以淡白色配抹茶綠作陪襯，簡約為主調，而喺呢兩個色調之中，加入木嘅元素，分配喺店內地板、櫈、裝飾之中，簡約嘅線條令店內既摩登又有種舒適嘅感覺。

既然今餐有老細請，梗係老實唔客氣。睇menu發現好多「拼」字嘅菜名，四小拼、五福拼，相信唔同拼都想食客有自由度揀啱自己嘅口味嚟食。嚟食上海嘢點可以唔叫小籠包！立即來一籠！

上枱時，一打開蒸籠，入面所有嘅蒸氣走晒出嚟。大籠包小籠，一次過試晒五款唔同口味：翡翠水晶蒸餃、外婆紅燒肉燒賣、鮮肉小籠、生拆蟹粉小籠包同鮮肉帶子小籠包，一夾起，皮不但無穿，仲十分挺身。

6款必食經典 滬菜

1：小館五福拼

所有小籠聽講係落order即場蒸， 需時5分鐘，而1分鐘內必定要上到客人枱面。同事問我知唔知咩係高水準小籠包睇到師傅嘅手藝？想考我？無咁易！小籠包面要有18或以上嘅摺邊就叫合格，愈多摺師傅手藝就愈好，而今次3小籠合格有餘！我自己就最鍾意鮮肉帶子小籠，皮Q多汁，仲有濃郁帶子味，肉質爽口彈牙。

2：老上海粢飯配老上海鹹豆漿

3：酸菜魚

4：雪菜黃魚麵

5：手包小餛飩

我哋廣東人叫開嘅雲吞，上海就叫餛飩。而上海餛飩都有大細之分，聽講以前上海父母好鍾意整嚟畀小朋友返學前食，因為小餛飩皮薄袖珍，一啖食完一隻，飲埋啖湯配蛋皮，就好快快手返學。

6：椰汁江南八寶飯（熱）

我哋兩個黑洞嚟橫掃南小館，大跌眼鏡除咗侍應見我哋兩個人仔細細，但食量咁驚人之外，應該仲有係我同事，事因今餐食完，令我諗起上海唔同弄堂入面嘅小店，更加掛住上海chill住過日辰嘅日子，呢個星期放個三日兩夜Annual去上海食嘢都唔過分啫。

南小館
地址：太古康山道1號康怡廣場 中樓 M3 號舖
電話：2469-2299

地址：沙田置富第一城樂薈地下G22-G23號舖
電話：2348-2299