河國榮激讚 港式奶茶雞蛋仔 @DINING娜

話說上回我娜姐街頭捕獲到河國榮，四出尋找香港地道小食，今趟佢話帶我試香港人頭號至愛的雞蛋仔同格仔餅，話晒現時口味甚多，估唔到河國榮真夠「香港地」，竟然愛上經典港式口味，港式奶茶雞蛋仔 ？ 到底係咩呢？

港式奶茶雞蛋仔 超地道

河國榮手中雞蛋仔咁深色嘅？原來出自呢間榮獲2016米芝蓮推介街頭小食「媽咪雞蛋仔」的最新奶茶口味，河國榮食得咁津津有味咁話，「奶茶同蛋味好balance，雞蛋仔味好香又滲出奶茶香味。」連我娜姐食完都「嘩」一聲，每粒雞蛋仔都外面脆卜卜，內面軟綿綿，最驚喜是甜度適中，秘方係咩？

港式奶茶調出香港人口味

「媽咪雞蛋仔」人氣高企，長期人龍不絕，娜姐即問河國榮必食口味，「佢地好多花款，甜酸咸口味都有，不過我個人最like新出的港式奶茶味，估唔到咁正，茶味剛剛好，夠晒香港地，哈哈。」

紅磡總店店主Irene大爆港式奶茶雞蛋仔配方：「重點用維他特濃茶味奶茶代替水，加入特調雞蛋仔蛋漿內，最最重要係掌握時間，爐面唔可以太熱或唔夠熱，都影響個奶茶味夠唔夠出。」風趣幽默嘅河國榮仲同娜姐講：「以後3點3，奶茶唔單止飲得，仲咬得添呀！」

媽咪雞蛋仔（全線分店有售）

紅磡民泰街36號地下 (顯示地址)

旺角廣華街1號潮流地域G23號地舖 (顯示地址)

銅鑼灣希雲街1-5號禮信大廈地下17號舖 (顯示地址)

沙田德厚街3號禾輋廣埸2樓277-278號舖 (顯示地址)

尖沙咀加拿芬道8-12號嘉芬大廈地下 (顯示地址)

人情味 奶茶格仔餅

食完個咬得到奶茶未夠喉，河國榮繼續帶我娜姐街頭覓食到天后，佢仲話最愛撐小店：「平日我同太太四圍去大街小巷搵食，好多小店製作好用心、認真，個份人情味會為份食物加好多分。」呢間家庭式經營的「臨記」，行到街頭已聞到蛋香味撲鼻。

港式味道鬆脆香軟

河國榮話一試即愛上奶茶格仔餅：「格仔餅食得多，咁厚咁鬆軟的第一次試，仲要有奶茶味，好似咬緊一啖啖奶茶咁，好過癮！」成吋厚外表認真吸睛，咬落香脆鬆化，內面鬆軟帶超濃蛋香，港式地道奶茶味徘徊口入面，果然無介紹錯。

老闆娘仲介紹埋咖啡格仔餅俾河國榮，話要整返底俾佢試試，原來係由維他港式啡走調製，所以咁香濃，加埋日本麵粉、少糖、少油，同埋比一般格仔餅深的模具製成，所以會較厚身更有口感。

臨記

天后帆船街2-8號金殿大廈地下16 號舖 (顯示地址)

後記：

估唔到河國榮不但唱「香港地」唱出香港人心聲，私下咁熱愛香港文化，港式奶茶、啡走都係心頭好，佢話依家工作忙，大熱天時飲住冰凍維他港式奶茶，加埋件雞蛋仔，真係一大樂事！