深仔記茶餐廳首賣日式鰻魚煲仔飯 期間限定 另推前澳牛廚炮製炒滑蛋＋Creamy芝士撈麵｜區區搵食
廣告
尖沙咀深仔記茶餐廳於上年開業後，一直成為附近打工仔的飯堂熱點。今次茶記又有新搞作，首推日式鰻魚煲仔飯，原條鰻魚呈上，打開熱氣騰騰，暖笠笠，啱晒入秋時食！
撰文：Rice｜圖片來源：深仔記茶餐廳
尖沙咀深仔記茶餐廳推原條鰻魚煲仔飯
深仔記雲吞麵賣得街知巷聞，皮薄餡鮮，蝦隻彈牙，麵條爽口，如今擴展至6間分店，是港人的一大Comfort Food。上年更踩過界開茶餐廳，選址尖沙咀。找來2大高手，一是前澳牛大廚，二是跑馬地名人飯堂、米芝蓮級的雅谷餐廳（Amigo）前廚師做顧問，食物質素固然有保證。滑蛋芝士汁撈麵、瑞士汁雞髀均是招牌菜，最近適逢入秋，天氣轉涼，首推原條鰻魚煲仔飯，打開煲蓋，飯香湧出，香氣滿溢，且配上滑嫩炒蛋及焦香鰻魚，香濃惹味。煲仔飯除了鰻魚外，還有豉汁排骨、北菇滑雞、鹹魚肉餅、窩蛋牛肉、油鴨髀等，合共12款，款款吸引！
鰻魚原條上，厚肉燒得帶焦香，一打開熱氣騰騰，很吸引。
香甜帶濃濃肉香。
其他重點推介！
既然找來大廚出馬，味道絕不會馬虎。滑蛋全是即叫即炒，色澤潤黃，蛋味濃郁，很是滑嫩。另外芝士汁以Mozzarella、車打及帕馬臣3種芝士加入低脂奶調成，芝味奶香，濃厚Creamy，每條麵條都能沾上芝士醬汁，超邪惡！
超邪惡！芝士汁Creamy濃厚，啖啖芝味！
雞髀大大隻，滑嫩多汁。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
