【海鮮控必試】帝京酒店花月庭全新自助晚餐登場！細味紐西蘭深海小龍蝦美食＋南歐海鮮＋周五即場黃金鰭吞拿魚席前解體

Apr 26 2023

海鮮嘅鮮香甘甜一向令人難以抗拒，如果你係海鮮控的話，咁唔可以錯過帝京酒店花月庭全新推出嘅海鮮自助晚餐喇！今年4月至6月限定嘅「紐西蘭深水小龍蝦．南歐海鮮自助晚餐」以極罕嘅紐西蘭深海小龍蝦及南歐海鮮為主題，大家可以一次過品嚐到多款以不同烹調手法炮製嘅小龍蝦，以及意大利海鮮美饌，而逢周五現場仲會有原條黃鰭金槍魚席前解體表演，加埋其他冰鎮海鮮同傳統意式甜品任食，絕對會令你捧腹滿足而回！

4月至6月限定！花月庭全新「紐西蘭深水小龍蝦．南歐海鮮自助晚餐」登場

帝京酒店花月庭嘅自助晚餐一向大受歡迎，而今個4月至6月餐廳就為大家帶嚟全新驚喜—「紐西蘭深水小龍蝦．南歐海鮮自助晚餐」，大廚團隊特別嚴選源自紐西蘭深海小龍蝦與黃鰭金槍魚做主角，再加上其他新鮮海中珍寶、配合主題設計嘅傳統意式甜品以及無限任食即開生蠔、長腳蟹、火炙龍蝦、燒牛肉等，無論係嚟緊母親節同母親大人享用定係同另一半慶祝都會令對方大叫滿足！

品嚐深海海中珍品全方面細味紐西蘭深海小龍蝦

生長於紐西蘭與南極之間純淨天然水域約200 至500 米深海嘅小龍蝦肉質嫩滑而口感彈牙，再加上紐西蘭小龍蝦屬野生蝦，於當地受捕撈配額限制，絕對稱得上係深海珍品！今次大廚為咗突出小龍蝦嘅鮮味與肉汁，特別採用傳統南歐烹調方法製作出多道色香味俱全嘅菜式，包括紐西蘭深水小龍蝦沙律、紐西蘭深水小龍蝦意大利飯、芝士小龍蝦焗意大利黑松露雲吞及火炙紐西蘭深水小龍蝦壽司等，等大家可以全方位細味紐西蘭深海小龍蝦爽脆肉質及鮮味香味。

花月庭即日至2023年5月11日，惠顧星期一至四全時段自助晚餐，每位客人更可獲贈意式焗小龍蝦伴香草牛油薯蓉乙客 — 即日至2023年5月11日，惠顧星期一至四全時段自助晚餐，每位客人更可獲贈意式焗小龍蝦伴香草牛油薯蓉乙客

花月庭紐西蘭深水小龍蝦沙律左) 及火炙紐西蘭深水小龍蝦壽司右) — 紐西蘭深水小龍蝦沙律 (左) 及火炙紐西蘭深水小龍蝦壽司 (右)

周五限定！香港鮮有席前解體表演原條直送40 公斤黃鰭金槍魚即劏即切

今次自助餐另一賣點莫過於即場黃鰭金槍魚席前解體表演，原條直送、重約40分斤嘅黃鰭金槍魚將會喺大家面前即劏即切，大家可以即場品嚐到最新鮮嘅吞拿魚刺身，無論係赤身定拖羅都充滿油份，入口即化嘅質感配上濃郁魚味，相信各位海鮮愛好者定會食到停唔到口！不過席前解體表演淨係每逢星期五先設有，而餐廳喺星期一至四晚將會不定期供應即切魚生，包括池魚、鱆紅魚、三文魚等，等大家可以品嚐到各種肥美刺身。

無限任食多款冰鎮海鮮＋傳統意式甜品滿足味蕾

除咗暢食紐西蘭深水小龍蝦美饌同鮮味十足嘅黃鰭金槍魚刺身之外，當然亦唔少得花月庭一向叫好叫座嘅冰鎮海鮮，以及特別為突出是次自助晚餐主題而採用意式烹調方法炮製嘅一系列意式甜品啦！今次自助晚餐繼續雲集極受海鮮迷歡迎嘅長腳蟹、即叫即開嘅美國生蠔、青口、翡翠螺等等包羅萬有，絕對會令海鮮迷大叫滿足！至於甜品方面，糕餅大廚唔單止帶嚟多款意式甜品，更貼心地為大家準備咗多款純素、無添加糖、無麩質嘅甜品，一次過滿足晒各位女生嘅口味！